أسما شريف منير: «أنا أصلاً مش بحب ألبس لبس مكشوف..بس انجرفت ورا الدنيا اللي مش باقية»

علي طريقة حلا شيحة قامت أسما شريف منير بنشر صورة لها تظهر فيها بملابس مكشوفة، عبر حسابها على إنستجرام، لكنها عادت بعد دقائق وقامت بحذفها ونشرت صورة جديدة، واعتذرت لجمهورها قائلة: «مسحت الصورة اللي فاتت وقلت أنزل دي بس عشان ساعات شيطاني بيغلبني زي باقي البشر، وساعات بحس بالذات بعد ما خسيت إني عايزه ألبس لبس حلو وبناتي كده وأفرح إنه بقى شكله حلو عليا، بس الصح صح، مش هقاوح».

وأضافت أسما شريف منير: «أنا أصلاً مش بحب ألبس لبس مكشوف في العادي، بس انجرفت ورا الدنيا اللي مش باقية، فهقاوم الإحساس ده وهركز مع نفسي وفي لبسي أكتر وهحاول أنقي لبس يكون معتدل وحلو عشان أشجع نفسي».

وتابعت: «البنات اللي بتتابعني بيلبسوا لبس حلو وفي نفس الوقت مش مفتوح، مش عيب إن الواحد يعترف بغلطه وطول الوقت يحاول إنه يبقى أحسن، وبشكر المتابعين اللي لفتوا نظري بطريقة ذوق. واختتمت: «كل سنة وانتم طيبين وحبايبي ودعمي، ربنا يفرح قلبنا كلنا ويهدينا.. بحبكم».