اعتذار حلا شيحة لوالدها بعد هجومها عليه ”متفهمة حبك وخوفك عليا“

هجوم حلا شيحة على والدها

اعتذرت الفنانة حلا شيحة، لوالدها الفنان التشكيلي أحمد شيحة، بعد هجومها عليه، في منشور أمس السبت، موجهة اللوم له. ونشرت «حلا» صورة تجمعها بوالدها عبر حسابها الشخصي على «إنستجرام»، وعلقت عليها: «حبيبي والدي الغالي أعز الناس، بحبك.. وأنا متفهمة حبك وخوفك عليا، وانت أغلى الناس.. إنت غالي عندنا كلنا».

وكانت حلا شيحة، وجهت رسالة لوالدها عبر حسابها على «إنستجرام»، قائلة: «أنا الحمد لله سعيدة في حياتي، ومع زوج أتشرف إنه زوجي وبعتز بيه، واحنا أصدقاء قبل أن نكون أزواج، وكل كلمة أكتبها وقلتها نابعة مني، وأنا متدينة بطبعي زي أي ست مصرية بتحب دينها، وده لا يعيبني، وتديني اللي بدأ من أكتر من 15 سنة من المنطقي إن معز مش هو سببه، مش محتاجة حد يخطفني أو يكتب عني أو يوجهني.. هذا كلام لا يليق.. دعوا الخلق للخالق وكل واحد يخليه في حاله».

وتحدثت حلا شيحة في منشورها عن زيجات «معز مسعود» السابقة، قائلة: «معز زيي اتجوز 14 سنة من عمره، وكان مستقر في حياته وعنده ثلاث أولاد ربنا يخليهمله جمال ما شاء الله، وعمره ما كان بتاع ستات زي ما بيتقال، كلام لا يليق أبدا، وفي الآخر زيي لم يكمل جوازه وحدث الطلاق، وكلنا معرضين لده، طبيعي إنه كان بيحاول زي أي راجل محترم إنه يلاقي استقرار في حياته في الحلال، ومتوفقش أكتر من مرة، ودي مش حاجة تعيب أي حد، والحمد لله اتقابلنا وتلاقينا لأن ظروفنا قريبة جدا وعندي أولاد مثله، وأولادنا شبه بعض الحمد لله، واستقرينا احنا الاتنين، ليه ده يزعل الناس بدل ما ندعي لبعض بالخير بقينا نتصيد لبعض».