نشوي مصطفي تلقي درس لأحد متابعينها

هاجم أحد متابعي الفنانة نشوى مصطفى عبر «فيس بوك»، بعد نشرها مقطع فيديو تدعو فيه الجمهور لفك كرب الغارمات قبل دخول عيد الأضحى المبارك الثلاثاء المقبل.

وقال حساب يحمل اسم «أبو لارا» نشوى مصطفى، «لمي أنتي وصحابك الممثلين وساعدوهم، مش بتأخدو ملايين على قلبكم أد كدة، وسيبي الناس الغلابة في حالها اللي بتكمل عشاها نوم».

لترد نشوى مصطفى قائلة، «قبل ما أعمل لك بلوك أحب أقول لك إحنا وحشين، أشرار يا سيدي، بنأخد ملايين وبنحوشهم، وأنا بقول للناس اتبرعوا واتصدقوا واعملوا خير علشان تأخدوا ثواب وربنا يرضى عنهم وفلوسهم تخلص»، مضيفة «أنا وأصحابي ملايينا ما تخلصش، إيه رأيك تسمع كلامي وتتصدق إن شاء لله بجنيه، وتسيبنا إحنا نحوش ونروح النار».

واختتمت: «استكمالا لكلامي أنا ما كونتش دخلت بروفايلك ولما شفتك الحقيقة مش ممكن أصدق أن حد بحجمك ممكن يكون بيكمل عشاه نوم، أومال لو كنت بتتعشى عشا كامل كنت بقيت إيه فيل».

نشوى مصطفى تدعو لحل أزمة مها أحمد وأحمد السقا

وفي وقت سابق، كانت الفنانة نشوى مصطفى، قد دعت عبر حسابها الخاص بـ«فيس بوك»، لحل أزمة حدثت بين الفنانة مها أحمد والفنانين أحمد السقا وأمير كرارة.

وكتبت نشوى مصطفى عبر حسابها الخاص بـ«فيس بوك» منشورا قالت فيه: «يارب وحياة حبيبك النبى يتصالحوا ويتصافوا، كلهم طيبين وولاد الأصول الفرسان بنبل أخلاقهم حيسامحوا لأنهم عارفين الظروف وأكيد مقدرينها، الحياة مش مستاهلة خناق وبتخلص فى ثانية وادينا شايفين، والناس اللي بتنفخ فى النار من تحت لتحت حاقول لهم من فضلكم اغلبوا شياطينكم وخلينا نسعى فى الخير، أحنا عيلة واحدة، واللي غلط أكيد ميقصدش التمس لأخيك ألف عذر يارب بحق الأيام الطيبة تمدهم بالمحبة وتنور قلوبهم وتبعد عنهم الشيطان».