بتخربو بيوت والناس بتنتحر.. الزوج يكشف قصة صور عروسته الحامل

علق مجدي محمود، الذي ظهر في مجموعة صور مع زوجته الحامل خلال حفل، والتي عرفت على مواقع التواصل الاجتماعي بـ “العروس الحامل”، وأثارت الجدل، حيث اعتقد البعض أنهما عروسين وأن ذلك حفل زفاف، وأوضح أن الصور بعد مرور عامين من زواجهما خلال حفل لتعريف الأصدقاء والأهل بنوع الجنين.

نشر “محمود” عبر حسابه الشخصي على موقع التواصل الاجتماعي فيسبوك، صورته مع زوجته من الحفل، وكتب: “الشهرة حلوة ونفسنا نبقي مشاهير بس بالحاجة اللي بنعملها والمحتوى اللي بنقدمه مش بقلة الأدب والخوض في الأعراض أنا لحد دلوقتي مش فاهم أول واحد واخد سكرين من فيديو أنا رافعه وواضح فيه جدا إحنا بنعمل أيه وإن دي حفلة بنعرف أصحابنا والناس اللي متابعنا فيها نوع الجنين ويحرف الكلام ويألف قصة على مزاجه لمجرد إنها هتجيب لايكات أكتر من القصة الحقيقية بيقول لنفسه أيه والناس اللي ذي البغبان بياخدو كوبي ويشيرو من غير ما حتى يعقلوا الكلام أو يفكروا لمدة دقيقة مع نفسهم بجد أنتم أيه”.

تابع: “يا جماعة أنتم ممكن تخربوا بيوت وتخلوا ناس تنتحر وتعقدوا ناس في عيشتها ربنا يهديكم أي حد يشوف بوست من اللي بيتريقوا علينا يحط البوست دا في عينه شيروا البوست دا عشان الناس اللي مبتفهمش تفهم، ومحدش يقولي أنت اللي متنزلش صورك أنا بنزل صوري أنا مش صور حد تاني بالوضع واللبس اللي على مزاجي واللي عمره ما كان فيه أي ضرر أو إساءة لحد، الصورة من حفلة عملناها بعد سنتين جواز”.