”خليهم يحلوا بقهم” صاحب محل حلويات بطنطا يقدم خصما 50% للإيتام علي حلاوة المولد

 

"خصم 50% للأيتام.. خليهم يحلوا بقهم"، شعار رفعه أحمد موسى صاحب محل حلويات بمدينة طنطا، والذي قرر تقديم خصومات على حلوى مولد النبوي بخصومات تصل إلى 50%، للأطفال الأيتام، بهدف إدخال السعادة على قلوبهم.

"حاجة اتعودت اطلعها لله كل سنة، عشان الأطفال الأيتام يحتفلوا وياكلوا حلاوة زيهم زي غيرهم"، بحسب "أحمد"، الذي قام بتخصيص أفضل وأجود أنواع الحلوى وبيعها إلى هؤلاء الأيتام: "مش بقصر معاهم وأغلى حاجة في المحل بتطلع، لأنها طالعة لله وهتحاسب عليها قدام ربنا".

ووفقاً لـ"أحمد"، يبيع بأسعر متوسطة تتراوح بين 40 و100 جنيه لكيلو الحلوى: "الفستق وعين الجمل والكاجو واللوزية أسعارها غالية بـ80 و100 جنيه، أما الحمصية والفولية والسمسمية والهريسة الكيلو بـ40 جنيهاً، ودي أسعار مش غالية بالنسبة للمحلات بره، وكمان الحاجة دي نضيفة، وكل الناس عارفة حلويات طنطا".

ويتيح "أحمد" خدمة التبرع للأيتام داخل المحل: "أي حد عايز يعمل خير بيسيب فلوس تحت الحساب، أو بيشتري للأيتام وبياخدها يوزعها بمعرفته، يإما بيحاسب عليها وأنا بوزعها على الناس اللي حواليا، ودي بتبقى ثقة بيني وبين الزبون"

وبحسب "أحمد"، فقد حظي بشهرة واسعة بين سكان طنطا، وحبه للخير، واهتمامه بالأيتام كل عام: "ميهنش عليا احتفل كل سنة بمولد النبي من غير ما اعمل حساب للأطفال دول، المولد مش بيبقى مولد غير وكله فرحان وسعيد، وواخد علبة الحلويات ومروح بها".

ويقدم "أحمد" أيضًا خدمة مميزة، وهي البيع بالقطعة، وسعرها يتراح بين 3 و7 جنيهات: "دي للناس اللي مالهاش في أكل الحلويات كتير، أو بتحب تدوق أنواع جديدة من الحلويات، بس مش عايزة تشتري كيلو وتتغرم فلوس كتير