بكلمات قاسية...والد ياسمين صبري لابنته: إيه الجحود ده

عبر الدكتور أشرف صبري والد الفنانة ياسمين صبري، عن حزنه واستيائه الشديد من موقف ابنته وأشقائها بعد رفضهم حضور حفل زفاف شقيقهم، مشيرًا إلى أنه كان يأتي من أمريكا لحضور أفراحهم ولا يتأخر عنهم.

وأضاف "صبري"، خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "زعلان على ابني اللى كان عايز يفرح ويشوف اخواته جنبه .. وكنت متوقع أخواته يشاركوه فرحته ولكن جحودهم مسيطر عليهم.. بلال ابني أخوهم من الأم والأب، مش متخيل الأخ والأخت يكونوا كده".

وتابع: "كنت حزين جدا وأنا بشوفه بيعيط كل يوم وبيسألني ليه أخواتي بيعاملوني كده، مؤكدا أنه أطيب واحد في أبنائه وهو يعيش في أمريكا".

وأكمل: "ارتباطات ايه اللى تمنع ياسمين صبري من حضور فرح أخوها، وللأسف النفوس بس متغيرة والحمد لله الفرح تم بخير وقدرنا نرفع معنويات ابني، موضحًا أن الله عوضه بأخت وأم غير أشقاء ورسموا السعادة علي وجهه ووقفوا بجانبه.

واختتم حديثه قائلًا: "الفلوس ممكن تغير النفوس للدرجة دي، وبقول لياسمين كان واجب عليكي تقفى جنب أخوكي بعيدًا عن الكلام غير الصادق اللي بتصدريه على الشاشات وتعملي فيه قدوة ولكن حاجة تحزن وأنا حزين للغاية من موقفها مع شقيقها".