الفلوس بتغير النفوس...والد ياسمين صبري ينفعل على الهواء لهذا السبب

علق الدكتور أشرف صبري، والد الفنانة ياسمين صبري، على عدم حضور نجلته لحفل زفاف شقيقها. قائلًا “هي الفلوس ممكن تغير النفوس كده”.

وقال “صبري” في اتصال هاتفي ببرنامج”حضرة المواطن” المذاع على فضائية “الحدث اليوم” مساء اليوم السبت: “لما اشوف ابني كل يوم بيعيط ويقولي انا اخواتي ليه بيعاملوني كده”.

وأضاف “ابني عايش في أمريكا وكان بيجي لأخواته في كل مناسبة بتحصل لهم. زي ما هما فرحوا وأخوهم كان بيجي كنا متوقعين أن هما كمان يحضروا فرحه”.

وتابع “ازاي الإنسان ممكن يكون جاحد لأخ أكبر شقيق بدون أي أسباب وبدون أي مقدمات. وآخر فرح حضره كان فرح أخته نرمين ولم يقصر في حقهم”.

واستطرد “مكنش عندهم ارتباطات وحتى لو فيه ايه الارتباطات اللي تمنع حضورهم فرح شقيقهم. نفوس متغيرة وزعلتنا كلنا وفرحه تم وقدرنا نرفع معنوياته ونعرف أن فيه أم بدل أم وأخت بدل أخت وده عوضنا كثير جدًا عن ما حدث”.