سيدة الإسماعيلية «المغتصبة» : قولت له سيبني أنا حامل اعتبرني أمك .. قالي لو أمي أنا هعمل فيها أكتر من كده

تحقيقات النيابة العامة مع سيدة الإسماعلية المغتصبة داخل المقابر أمام زوجها، بعد تقييده وإلقاءه في مقبرة مجاورة للمقبرة التى تعرضت فيها للاعتداء على يد مسجل خطر، بينما ظل زوجها محاطًا بالأسلحة بالبيضاء من قبل 3 آخرين من أصدقاء المتهم الرئيسي، تلك الجريمة المروعة التى هزت الرأي العام في منتصف شهر أكتوبر الماضي، صدر فيها منذ يومين، حكمًا عادلًا من محكمة جنايات الإسماعيلية منذ يومين بإعدام مغتصب السيدة، والسجن 10 سنوات لكل من شركائه الثلاثة.

دموع السيدة لم تتوقف طلية جلسة التحقيقات معها، إذ قالت: «اليوم الأسود ده عمري ما هنساه، كانت الساعة 9 الصبح ودخلت المقابر مع جوزي عشان التروسيكل بتاعنا اتسرق من قدام البيت، وفيه واحد اتصل بجوزي وقال له تعالى المقابر خد التروسيكل بتاعك بس هات معاك 2000 جنيه، ولما وصلنا المتهم راكب عربية ومعاه 3 تانيين».

وتابعت: «قالوا لي خدي يا بت، جوزي قالهم بت مين دي مراتي، وقالوا إيه اللي عرفنا أنها مراتك، وأنا طلعت لهم صور فرحي من على الموبايل، وقالوا إنهم مش مصدقين وضربوا جوزي بالسكاكين، وقعد يشتم فينا بألفاظ خارجة، والمجرم قال لجوزي أنا هاخدها على البوابة وأعرف هي مراتك ولأ، والتلاتة التانيين حطوا جوزي جوه تربة وقعدوه فيها، وكانوا واقفين قدامه المطاوي».

أضافت السيدة وهى تبكي بحرقة شديدة: «إسلام ده شدني من شعري وضربني بالقلم، وفضل يلف بيا في الترب ودخلنا في مكان مقفول، وأنا بوست رجليه وقولت له حرام عليك أنا حامل في الشهر التاني، وقولت له سيبني اعتبرني أمك أو أختك، قالي لو أمي وأختي أنا هعمل فيهم أكتر من كده، واعتدى عليا، وبعد ما روحت تعبت وتعرضت للإجهاض بسبب الاعتداء الوحشي».

وأكدت سيدة الإسماعيلية المغتصبة أمام زوجها بالمقابر، أن القضاء أعاد لها حقها بإعدام المتهم، وأن الحكم أثلج صدرها، وأعاد لها كرامتها، حتى يعرف كل مجرم أنه سينال عقابه بالقانون.

أفادت تحقيقات النيابة العامة، بأن وراء ارتكاب الواقعة كلا من المتهم «عبدالكريم. غ» المتهم بالاغتصاب، وشهرته «إسلام» 28 عاما، عاطل ومسجل خطر، و«عبدالغفار.ي»، 17 عاما و«كريم.ا» 16 عاما، «وأحمد. م»، 16 عاما ، وقررت النيابة حبسهم بتهم الاغتصاب والخطف والشروع في القتل والسرقة، وجدد قاضي المعارضات حبسهم واحيلوا إلي المحكمة التي أصدرت حكمها الرادع بحق المتهمين الذين اعترفوا بتفاصيلها كاملة