تعرف على طريقة عمل براونيز كيك بالموز

المقادير :
كوب ونصف دقيق ابيض منخول
كوب كاكاو نسكويك
كوب سكر ابيض
كوب زبدة سايلة
٢ كيس فانيليا
رشة ملح
معلقة نسكافيه
٣ بيضات بدرجة حرارة الغرفة.
جناش شيكولاتة للتزيين
بندق او اي نوع مكسرات تحبوه

الكريم باتسيير :
٢ بيضة
نصف لتر حليب
نصف كوب سكر
ربع كوب نشا
٢ كيس فانيليا

طريقة الكريم باتيسيير:
بتحطي اللبن علي النار يدفي وفي بولة برة بتحطي البيض والسكر تضربيهم كويس لحد ما يبقي لونهم كريمي شويا ومعاهم الفانليا وبعد كدة حطي النشا معاهم تختلط كويس بيهم وخدي كبشة من اللبن الدافي اللي علي النار حطيها علي الخليط وقلبيهم كويس وحطيهم كلهم في باقي اللبن اللي علي النار وافضلي قلبي لحد ما يتقل واقفلي عليه وحطيه في بولة وغطيه بكيس الكيس يبقي لامس الكريم باتيسيير علشان ميعملش قشرة.

الطريقة :
في بولة نحط السكر والزبدة نضربهم لمدة دقيقة بالمضرب اليدوي مش محتاجة مضرب كهربائي وبعد كدة نحط البيض والفانيليا ومعلقة النسكافيه ورشة الملح نضربهم ضربة خفيفة ونحط والكاكاو ونخلطهم كويس اوي وبعد كدة نحط الدقيق ونقلب كويس اوي لحد ما يختلطوا كويس مع بعض ولازم يكون الخليط تقيل ونجيب بايركس او صينية ونحط ورق زبدة وندخلها الفرن علي درجة حرارة ٢٠٠ ونعمل الفرن تحت لمدة ثلث ساعة تبرد خالص ونقطعها ونجيب الكريم باتيسيير نحطوه علي كل قطعة ونوزعه ونحط قطعة من الموز نقطعها علي مقاس قطعة البراونيز ونوزع عليها الكريم باتيسيير زي الصورة ونسيبها تنشف شويا ونغطيها بجناش الشيكولاتة جوة الجناش بنحط شوية بندق مجروش او سوداني اللي تحبوه وعلي الوش بعد ما نحط الجناش ونسيب الشيكولاتة تجمد ونقدمها.