تعرف علي طريقة عمل السينابون الخطير

يلا كل اللي عاوز الطريقه :
1 كوب إلا ربع لبن
1 علبه زبادي
1 بيضه
1 معلقه خميره
2 معلقه سكر
1 معلقه بيكنج بودر
1/3 كوب زبده ( تلت كوب )
1 كيس فانيليا
رشه ملح خفيفه
3.5 كوب دقيق و سيبوا ربع احتياطي لحد ما العجيبه تلم
و تبقى طريه و متماسكه و مش بتلزق في الايد

الحشو الداخلي :
نص كوب سكر
3 معالق كبيره قرفه ممسوحه
1 معلقه كاكاو أو نسكويك اللي متاح يعني

نسيب العجينه تخمر ساعه و بعد كده تتفرد على شكل مستطيل و يكون ارتفاعها حوالي نص سم عشان لسه هتخمر
و بعد كده ندهن العجينه ب 3 معالق زبده و نحط الحشو
و نفردهم على العجينه كلها إلا اخر سم عشان نعرف نلزق العجينه مع الطرف
و نلفها بعد كده و نقطعها بخيط عشان تكون شكلها حلو
و ندهن الصينيه زبده و نحط فيها السينابون و تخمر تاني
نص ساعه و بعد كده نحطها في الفرن 20 دقيقه على اعلى درجه
و الصوص كان عباره عن :
نص كوب زبده
نص كوب سكر
نص كوب لبن بودره
كيس فانيليا
نص كوب مياه
معلقه كبيره كريم شانتيه

و بعد ما السينابون تطلع من الفرن نحط عليها الصوص
و بعد كده لو حد عاوز عليها شيكولاته أو مربى فراوله مثلا
و بالف هنا و شفا على قلبكوا.