تعرف على طريقة عمل رموش الست

مقادير رموش الست:-

٢ كوب ونصف دقيق ابيض منخول
٣ معلقه كبيرة سميد البسبوسه
نصف كوب ومعلقه كبيره زبده طريه
نصف كوب سكر بودره
بيضه بدرجة حرارة الغرفة
بياض بيضه واحده
ملعقه صغيره فانيليا
رشه ملح
ملعقه كبيره بيكنج بودر
٢ معلقه كبيرة جوز هند

للوجه
مكسرات بندق ولوز وسودانى
وصفار بيضه مع رشه فانيليا

وشربات متوسط بارد

٤كوب سكر
٥ كوب ماء
رشه ملح ليمون او نصف ليمونه
٣ معلقه كبيرة عسل جلوكوز
ملعقه صغيره فانيليا سائله أو روح جوز الهند

الطريقه:-

اولا نحط الزبده مع السكر البودره ونقلب كويس مع بعض وبعدين نضربهم جااامد بالمضرب الكهربا لحد ما يبقي كريمى وعالى ولونه فاتح وبعدين نضيف عليه البيضه وبياض البيضه والفانيليا ونضرب كويس جداا بالمضرب الكهربا لحد ما تبقي كريمى وعاليه وهاشه ويختفى البيض تماما

ثانيا هنحط الدقيق مع الملح مع السميد مع جوز الهند والبيكنج بودر ونقلب كويس مع بعض وبعدين نضيفهم على خليط الزبدة تدريجيا مع التقليب بالراحه من غير عجن كتير فيها لحد ما تبقي عجينة طرية ومتماسكة وناعمة جدا ويسهل تشكلها ومش بتلزق ف الايد

ثالثا هنجيب صنيه وبعدين نشكل العجينة أما كور أو صوابع ونرصها فى الصنيه مع مراعاة مسافه بين كل واحده وبعدين ندهن الوجه بصفار البيضه والفانيليا وبعدين نحط المكسرات ع الوش بعدين تدخل فرن سخن على درجه حراره متوسطه ١٨٠ درجه لحد ما تحمر من تحت وتستوى وبعدين نحطها تحت الشواية علشان تاخد اللون الذهبي وبعدين تخرج من الفرن وننزل عليها بالشربات البارد ونسيبها شويه تشرب الشربات وتبرد خالص وبعدين نقدمها وبس كده الف هنا وشفا.