تعرف على طريقة عمل صينية الباذنجان بالبشاميل

الطريقه :
نقشر البطاطس ..والباذنجان ..والزهره ونقطعهم مكعبات ونملحهم ونقليهم....

نجهز الحشوه :

نحمس اللحم المفروم ..او الدجاج المفروم بشويه زيت ..
واذا صار لونه ابيض نضيف له البصل المفروم والثوم المهروس ..

ونحركه لين يذبل البصل ..
ثم نضيف فلفل رومي اخضر مفروم ..
والبهارات المشكله ..والفلفل الاسود والكمون ..والملح ..

نحركهم .. ونضيف الطماطم المطحون
او علبه طمام معلبه
وشويه معجون طماطم ..
نخليها تتسبك على نار هاديه لمده ١٠ دقايق ..

ثم نضيف الكزبره الخضراء المفروم ونطفي النار ... ..
في الصينيه نوزع الخضار المقليه بقاع الصينيه .. ونرش فوقهم بقدونس مفروم ..
ثم نضع الحشوه ..
ونوزع الباشميل على الوجه ..
واخر شي جبن الموزريلا ..
وندخله فرن ساخن من تحت وفوق لين تتحمر .. وبالعافيه

....اذا لم يتوفر البشاميل الجاهز بالامكان عمل البشاميل المنزلي:
على النار نضيف .. حليب ..و طحين و زبده ..
ونحركهم لين يثقلون ثم نضيف له الملح والفلفل الاسود ..وملعقه كبيره جبن سايل ونطفي النار.