الطفل ”علي” : حبيبتي خانتني مع صاحبي علشان الفلوس..فيديو

​

تداول رواد موقع التواصل الاجتماعي "فيسبوك"، مقطع فيديو لطفل لا يتخطى عمره 6 سنوات، وهو يحكي بجدية تامة قصة "خيانته" من قبل زميلته في الفصل، مع زميل آخر لهما، موضحا أن السبب الذي دفعها للخيانة هو المال.

"هزقت صاحبتي عشان خاينة، خانتني مع زميلي بسبب الفلوس، الفلوس بتعمل كل حاجة، خانتني مع واحد صاحبي وزميلي كمان في المدرسة، عشان باباه مدير المدرسة، عشان بياخد فلوس كتير، الحب ده أوهام وأحلام، الحب ده مش حقيقة، الحب ده كذب، شتمتهم هما الاتنين، مبقتش بحبها، بقيت بكرهها، والفلوس مبتعملش بني آدم"، بكلمات حزينة ومؤثرة، شرح الطفل قصة خيانته، من قبل صديقته، والدموع في عينه، لكن ما لا تعلمه أن "علي" يبلغ 6 سنوات.

نال مقطع الفيديو سخرية وضحك الكثيرين، لكن هناك بعض الأشخاص تأثروا من الطريقة التي حكى بها الطفل، مؤكدين أنه لا شيء يدعي السخرية منها، إذ علق حساب باسم أحمد مواهب: "والله العظيم زعلت جدا عليه وعلى طريقته وهو بيقول بكرهها، أهو الطفل ده هيبقى نسخة مصغرة لواحد معندوش ثقة في نفسه".

وكتب حساب آخر باسم أحمد سالم: "يا جماعة الحوار مش مضحك خالص، بصوا على ريأكشنات الولد، وأنتوا هتشوفوا على وشه وفي عينه الحزن، الواد مقهور جدا".

ورأى أحد المعلقين "محمد عنتر"، أنه ليس من الصحيح أن نتعامل مع الطفل بهذه السخرية، مضيفا: "مش صح أبدا نستهون بمشاعر الطفل ونهمشه كدا، ونتعامل معاه بالشكل ده، أكيد هتأثر على نفسيته في المتستقبل، ومش شايف إن الموضوع مضحك خالص".

وعلقت "هايدي الشربيني"، قائلة: "على فكرة الولد مع أنه صغير جدا وكلامه كبير على سنه، بس في كمية حزن في قلبه مش طبيعية، والموضوع مش مضحك خالص وصعب عليا جدا".