العشق الممنوع و ما لم ينشر من قبل

قليلاً من الإنصاف لمراد .. في رأيي إن مراد أجمل وأذكي شخصية في مسلسل العشق الممنوع ودايمًا عنده رؤية ناضجة للأمور وبعد نظر بالرغم من سنه الصغير ..

يعني في بداية المسلسل كان شايف إن مهند لايق على سمر والمفروض يتجوزها ، ولما عرف إن ابوه هيتجوزها طار من الفرحة وقال دي أجمل من أنجلينا جولي عكس نهال اللي اغمي عليها لما سمعت الخبر.

وفيما بعد كان شايف إن مهند ونهال مش لايقين على بعض ومش متخيلهم كـ اتنين مرتبطين في نفس الوقت اللي عدنان نفسه ماكانش قادر يكون رأي سليم زي ده.

وهو الوحيد اللي ماكنش مرتاح خالص للسواق اللي حلمي اونال زقه عليهم عكس الباقي اللي كانوا واثقين فيه.

وهو الشخصية الوحيدة في المسلسل بعد فريدو اللي بيحب وبيقدر متعة الأكل عكس باقي الشخصيات اللي بيقعدوا على السفرة يرغوا بس ، وبيتعاملوا مع الأكل على إنه شئ فرعي في يومهم وتحسهم كلهم كدة نباتيين.

وفي العموم لذيذ ود،مه خفيف لدرجة إنه بيضحك سمر وعنده سرعة بديهة وخفيف على القلب من غير مجهود
وتحسه بيستمتع بكل حاجة في حياته كدة ومش شخص
نكدي وممل زي الجماعة اللي عايش معاهم .