عبد الحليم حافظ يفطر رمضان فى الحمام والسبب أغرب من الخيال

الفنان رشدي اباظة كان عازم عبد الحليم علي الفطار فى رمضان
ومن كثر ارتباطات رشدى ومواعيدة الكثير نسى انه عازم العندليب اصلا
وقبل الفطار بشوية كده افتكر الميعاد
وقال لزوجتة الامريكية وام بنته قسمت اللي في الصوره دي
انا النهاردة هيجي يفطر معانا اهم أفضل مطرب في مصر ويمكن في العالم كله
انا هنزل اجيب الاكل من المطعم
ولما يجى الحلاق بتاعي دخلية الحمام علشان اقص شعري
نزل عم رشدي اباظة من هنا وعبد الحليم حافظ جه من هنا
زوجة رشدي اباظة فتحت للعندليب وافتكرته هو الحلاق
راحت دخلته الحمام وقفلت الباب وقعد حليم في الحمام ينتظر
الى ان حضر رشدي اباظة فالزوجة الامريكية قالتلة ان الحلاق ينتظرك في الحمام
فتح رشدى اباظة باب الحمام لقى مين في وشه عبد الحليم
قاله انت بتعمل ايه هنا ياحليم
رد حليم عليه وقاله
مش عارف زوجتك فتحتلي وقالتلي اتفضل دخلت لقيت نفسي في الحمام
قولت يمكن الامريكان بيدخلوا الضيوف الحمام الاول
ضحك رشدى اباظة
وفهم زوجتة سوء التفاهم ده
وان ده عبد الحليم المطرب المصري اللي عازمينة على الفطار
الى ان جاء وقت الافطار
رشدي اباظة دعا عبد الحليم وقاله اتفضل ياحليم
ليرد العندليب ابو دم خفيف وسرعة بديهة(متيجى ناكل في الحمام احسن يارشدي)