محمد صلاح العزب عن تكذيب والدة ضحية سفاح الجيزة لصناع المسلسل: مش بنعمل فيلم تسجيلي عنه
![مصر وناسها](https://www.masrwnasha.com/img/23/08/28/64550_1693232904.jpg)
![](https://www.masrwnasha.com/ix/GfX/logo.png)
علق المؤلف محمد صلاح العزب، على تكذيب والدة نادين، ضحية سفاح الجيزة، وشقيقة زوجته فاطمة، لصناع المسلسل، في بعض تفاصيل أحداث العمل، مثل تناوله للسوتيه، مستنكرةً عدم تواصلهم معها وأسرتها، لأخذ المعلومات الصحيحة منهم.
وقال محمد صلاح العزب، في تصريح : إحنا مش بنعمل عمل توثيقي أو فيلم تسجيلي عن السفاح عشان نحتاج نكلم أهله، ونعرف تفاصيله، إحنا مش بنعمل حاجة متعلقة بحياته الحقيقية، إحنا بنعمل عمل درامي هو بالكامل من خيال المؤلف، لكن مُستند على وقائع حقيقية وهي جرائم السفاح، فإحنا بنعمل عمل فني وبنرسم شخصية درامية ملناش دعوة بحياته هو.
محمد صلاح العزب: مكناش عايزين نقلب المواجع على أهالي الضحايا
وأردف العزب: إحنا بالفعل جبنا الوقائع الحقيقية دي من تحقيقات النيابة، ومن الحوارات الصحفية اللي أهالي الضحايا طلعوا فيها ووضحوا القصة بالتفاصيل، وده كان بيدينا كم هائل من المعلومات الكافية اللي تخلينا نعمل المسلسل، إلى جانب إن السفاح نفسه طلع ومثّل الجرائم واعترف بشكل كامل.
وأضاف محمد صلاح العزب: بالتالي إحنا معانا المعلومات اللي تفيدنا، ومكنش في احتياج للتواصل معاهم، بالإضافة إلى إننا مكناش عايزين نقلب المواجع تاني على أهالي الضحايا، ونروح نقولهم إحنا بنعمل مسلسل عن الراجل اللي قتل قرايبكم فيحسوا إن دي حاجة هتمجده، أو إن ده هيفتح جراحهم تاني، فكنا حريصين جدا على مشاعر أهالي الضحايا.
والدة نادين ضحية سفاح الجيزة: صناع العمل لم يتواصلوا معنا
من جانبه، كانت أوضحت والدة نادين، ضحية سفاح الجيزة، وشقيقة زوجته فاطمة، في تصريح خاص لـ القاهرة 24، أن صناع العمل يعتمدون على تفاصيل ليست حقيقية، وقالت: صناع المسلسل اعتمدوا على أطراف فرعية لم تتداخل في الأحداث، وليست على دراية بما جرى في سنوات ارتكاب السفاح لجرائمه، وكيف عرفتم إنه كان يأكل سوتيه، كما أشارت إلى عدم تواصل صناع العمل معها أو زوجته لمعرفة تفاصيل أكثر عنه.