لقاء سويدان عن عذاب القبر والثعبان الأقرع: جبتوا الخيال دا منين.. هل حد راح ورجع حكالنا؟

كشفت الفنانة لقاء سويدان رأيها في فكرة عذاب القبر، مؤكدة أنه غير موجود بالقرآن أو الأحاديث ولا دليل عليه.

وقالت لقاء سويدان لـ القاهرة 24: كل اللي في القرآن أنا بؤمن بيه إنما أي كلام قاله بني آدم لازم أفكر فيه يا أقبله يا أرفضه، وتوصلت في النهاية إلى أن الموت بيوصل للحياة الأبدية، ودي مرحلة بتوصل لمرحلة أكبر منها، ومحدش رجع حكالنا.

لقاء سويدان
وواصلت لقاء سويدان: دلوقتي الشيوخ بيقولوا مفيش حاجة اسمها الثعبان الأقرع، لأن السؤال هو هل حضرتك شوفته وطلعت حكيتلنا؟ جبت الخيال دا منين؟ رغم إنه مش موجود في حديث أو قرآن، وهل أنا بعبد ربنا أو بصلي عشان خايفة من الثعبان الأقرع؟

كما سبق وتحدثت لقاء سويدان عن سلبيات السوشيال ميديا، وقالت في تصريح سابق لـ القاهرة 24: السوشيال ميديا صعبة جدا لأن دايما الناس بيحكموا علينا واللي عايز يشتم بيعمل كدا لأن مفيش رقيب، وبيتكلموا من حسابات وهمية ومنعرفش هويتهم، والمشكلة أن الفنان بيكون حساس وبيتأثر بالكلام وبنزعل.

آخر أعمال لقاء سويدان
وعلى جانب آخر، شاركت لقاء سويدان في العديد من الأعمال الفنية التي حققت نجاحا كبيرا، من بينهم مسلسل القاتل الذي أحبني بالتعاون مع عدد كبير من الفنانين، أبرزهم هاني رمزي وسهير رمزي وأحمد فؤاد سليم وياسر فرج ورانيا منصور، بجانب مسلسل أيام مع رياض الخولي وحورية فرغلي.