طليقة شاكوش باكية: شفت حاجات بشعة ونفسي أقول للناس مش هقدر أشيل الذنب دا

حسن شاكوش وريم طارق، تحدثت ريم طارق طليقة مطرب المهرجانات حسن شاكوش، عن أسباب طلاقها والأزمات التي تعرضت لها بسبب المشاكل بينهما وتعرضها للعديد من المضايقات بسببه.

وقالت خلال لقائها ببرنامج "90 دقيقة"، تقديم الإعلامية بسمة وهبي، المذاع على فضائية "المحور": " الطلاق حصل بالفعل، أنا اتحملت اللي ما حدش يتحمله من رابع يوم جواز وكل يوم بشوف قصة وموضوع، كفاية إني كنت مهددة إني أقعد في البيت أو إني أخرج من البيت ما أعرفش أرجع".

نوبة بكاء على الهواء
ودخلت طليقة شاكوش، في نوبة بكاء على الهواء، قائلة: "الصورة حاجة والحقيقة حاجة تانية، والخلافات الزوجية ممكن تحدث بين أي اتنين متجوزين، وحسن طيب وابن حلال وجدع وشهم وهو دا اللي أنا شُفته فيه وعشان كده وافقت، بس الشخص اللي في البيت حاجة وخارجه حاجة تانية، وشُفت أبشع حاجات ممكن تتخيليها شُفت كل حاجة وحشة وحاجات أنا أو غيري مش هنقدر نتحملها".

وأكدت: "الموضوع مش موضوع خيانة الموضوع أكبر من كده بكتير إنسانيًّا وأخلاقيًّا ودينيًّا، ومش هقول، وأنا تعبانة ونفسي أقول لكل الناس بس مش هقدر أشيل الذنب دا".

وتساءلت: "هل الشهامة إني أتعاير بمرض عندي؟ اتهمني إني كنت متجوزة وهو ما يعرفش؟".