بسنت السبقي تفجر مفاجأة: كنت مخطوبة لتامر حسني وطلب مني أسيب الميديا

بسنت السبقي، قالت الفنانة بسنت السبقي: "أنا كنت موديل إعلانات، وبعدين بقيت مذيعة أخبار وبعدين ممثلة، بس الهواية عندي تمثيل".

بداية بسنت السبقي

وأضافت خلال حديثها ببرنامج "فيس أوف" تقديم سارة نخلة بقناة "هي": "ابتعدت شوية عن التمثيل وتقديم نشرات الأخبار، ثم عدت كممثلة من خلال مسلسل اَدم، وسبب الابتعاد لإني كنت مخطوبة وكان خطيبي رافض تماما إني أشتغل في الميديا.. كنت ساعتها مراسلة ومذيعة فوافقت على رأيه ومكملتش في الشغل، بس عمري ما هعمل كده تاني".

مفاجأة عن خطيبة تامر حسني

وأكدت: "أنا كنت مخطوبة للفنان تامر حسني وهو اللى خلاني أسيب الميديا في بداية حياتي المهنية، الموضوع ده كان من زمان وانتهى.. بس إحنا أصدقاء جدا، واشتغلت معاه في مسلسل اَدم، مكنش له رغبة اشتغل.. مبيحبش إن حد يضايقني أو يزعق لي".

انفصال بسنت السبقي عن تامر حسني

وأكملت: "انفصلت عن تامر حسني في هدوء، وبدون مشاكل بدليل إني بعدها اشتغلت معاه في مسلسل اَدم، وهو بني اَدم محترم".

نجمة أفلام السبكي

وأشارت: "السبكي وعدني أكون نجمة أفلامه القادمة، بس مش عارفة ليه منفذش وعده لحد دلوقتي ليه؟!، ووقعت معاه عقد بس حصل ما بينا خلاف مش عايزة أقوله".

وطرح النجم تامر حسني عبر قناته الرسمية على موقع الفيديوهات الشهير "يوتيوب" أحدث أعماله الغنائية "هرمون السعادة" من فيلمه الجديد "تاج" والمقرر عرضه في موسم عيد الأضحى المقبل.

أغنية هرمون السعادة

وأغنية هرمون السعادة من كلمات أحمد جابر، الحان علي الخواجة، توزيع حاتم محسن، تسجيل ومكساج مودي منير، ماستر علي فتح الله.