زوجة خالد يوسف عن شائعات علاقاته النسائية: أنا متجوزة مخرج مش شيخ مسجد وما بغيرش عليه
![مصر وناسها](https://www.masrwnasha.com/img/23/06/20/63159.jpg)
![](https://www.masrwnasha.com/ix/GfX/logo.png)
ردت شاليمار شربتلي، زوجة المخرج خالد يوسف، عن الشائعات التي طاردت المخرج في الفترة الأخير خاصة المتعلقة بالنساء سواء داخل الوسط الفني أو خارجه.
زوجة خالد يوسف
وقالت خلال لقائها مع الإعلامية سهير جودة عبر صفحتها الرسمية على فيسبوك: "أنا متجوزة مخرج مش شيخ مسجد ما بسمعش لأي إشاعات عن خالد وأنا متجوزة مخرج مش شيخ مسجد هو متزوج رسامة وحوالينا ناس كتير، أمال بقى اللي متجوزة دكتور نساء تعمل إيه”.
وأضافت: "أنا ما بغيرش على خالد يوسف دا هو اللي بيغير، اللي متجوزة دكتور نساء تعمل إيه، أنتِ اخترتِ الحياة دي فلازم تعيشيها".
وتابعت: "خالد يوسف لما كان رومانسي قرر يسمي بنتنا على اسمي شاليمار، وأنا ما بغيرش عليه دا هو اللي بيغير عليَّ".
ووصفت شاليمار شربتلي، مسلسل سره الباتع بـ"الملحمة"، مشيرة إلى أن علاقتها بالفنانة هالة صدقي قوية لكن مختلفين".
وأردفت: "ما ليش عتاب على خالد يوسف وهو وقف جنبي في أحلى المواقف، وربنا يخليه ليَّ ولبنتي".
وعن التنمر قالت شاليمار: "لا يوجد شيء يسمى تنمر، ونحن بشر ومجبرين على السخرية، وهذا جزء من تركيبتنا خصوصًا من لهم عروق مصرية، ولو خايفة من كلمة التنمر لازم ابنك تربيه يبقى نبت قوي، لما حد يتنمر عليه يعرف يرد".
رد خالد يوسف على الانتقادات
وكان المخرج خالد يوسف رد على الانتقادات التي تعرض له بسبب مسلسل سره الباتع، مؤكدًا أن هناك تربصًا به ويتعرض لحملة ممنهجة.
حملة ممنهجة ضد خالد يوسف
وقال خالد يوسف خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "فيه ناس لا يسرها رجوعي وأفكاري وعلشان كده بيقودوا الحملة الممنهجة ضدي".
مسلسل سره الباتع
وأضاف خالد يوسف: "أنا راضٍ جدًّا عن مسلسل سره الباتع، بشكل يفوق الـ99% برغم كل الانتقادات اللى أشبه بحد شاف رواية ومكتوب على ضهرها غلطة مطبعية في الملخص فساب الرواية ولا قراها ولا شافها، ولا شاف فيها إيه وبيتكلم عن الغلطة المطبعية".
وتابع: "شارك في الحملة الممنهجة ضدي عدة ناس لها مصالح علي كل المستويات، مش بحب الارتكان لنظرية المؤامرة، اللى يسيب الـ2000 نفر ويدخل زووم على واحد شكله مصري ويكبره ويقول: هو ده بقى الفرنسيين في مسلسل خالد يوسف، وعلي فكرة مفيش غلطة من اللى اتكلموا عليها في المسلسل حقيقية".