محمد فؤاد: أنا أغير منك يا هنيدي؟.. اتقي الله وراعي تعبي معاك

تحدث الفنان محمد فؤاد، عن خلافه مع الفنان محمد هنيدي، بسبب فيلم إسماعيلية رايح جاي، والذي كان انطلاقة هنيدي الفنية على الرغم من أن فؤاد بطل العمل.

وقال محمد فؤاد، خلال حواره مع الإعلامية بسمة وهبة في برنامجها العرافة: أنا أغير منك يا هنيدي عيب.. اتقي الله.. هو أنا جايبك معايا الفيلم عشان تفشل.. بحبك يا هنيدي وقسمًا بالله معرفش أغير منك.

وأردف محمد فؤاد: عبد الحليم حافظ كان أهم عنصر في فيلمه هو عبد السلام النابلسي.. راعي يا هنيدي تعبي معاك في فيلم إسماعيلية رايح جاي.. ده أنا كنت بصحيك عشان تيجي تصور.. والفيلم ده أنا دافع فيه 500 ألف جنيه.

وأضاف محمد فؤاد: أنا مش بغير من حد ومفيش حد أغير منه.. أنا كرهت فيلم إسماعيلية رايح جاي عشان لاقيت في حروب نجوم.. أنا اللي قايل لـ هنيدي يضحك الناس إزاي في الفيلم.

محمد فؤاد مش بقارن نفسي بـ حد.. وعمر كمال أنجح مني

وفي سياق مختلف، تحدث الفنان محمد فؤاد عن علاقته بمطرب المهرجانات الشعبية عمر كمال، قائلًا: أنا مش بقارن نفسي بحد.. وعمر كمال كان بيجيلي من وهو طفل وعيل صغير وهو من مدرسة محمد فؤاد.

ورد الفنان محمد فؤاد على سؤال الإعلامية بسمة وهبة، حيث قالت: عمر كمال أنجح منك في اليوتيوب؟، ليرد محمد فؤاد قائلًا: عمر كمال أنجح مني بكتير طبعًا.