عصام كاريكا: بقالي 30 سنة بتسرق علني.. وأزمة نقابة الموسيقيين أخذت أكبر من حجمها

كشف الفنان عصام كاريكا رأيه في أزمة نقابة المهن الموسيقية مع مطرب المهرجانات الشعبية حسن شاكوش، مؤكدا أن الأزمة أخذت أكبر من حجمها، بجانب الحديث عن سرقة بعض الأشخاص لألحانه وأغانيه.

وقال عصام كاريكا : شايف إن أزمة نقابة الموسيقيين أخدت أكبر من حجمها، والناس عملت بروباجندا على موضوع بسيط؛ لأن حسن شاكوش أخد جزائه وأتوقف سنة كاملة عن الغناء، وبعدين اعتذر يبقى الموضوع انتهى ليه كل دا؟.. ولكن الأزمة كلها أساسها غلط وهو أن حسن شاكوش أخد الكارنية بدون ما يعتذر الأول، واعتذر بعد ما رجع للغناء.

وتطرق كاريكا للحديث عن تعرضه لسرقة ألحانه مؤخرا، قائلًا: أنا بتسرق بقالي 30 سنة علني وقدام الكل، وناس كتير أخدت ألحاني وكلماتي وكنت بسكت، ومش بعمل حاجة ولكن دلوقتي اللي بيسرقني بفضحه على السوشيال ميديا.

وسبق واتهم عصام كاريكا، مطرب المهرجانات حمو بيكا، بسرقة لحنين من ألحانه بدون استئذان أو اتفاق مسبق، وهما لحن أغنية البسكلتة للفنان محمد سعد، ولحن أغنية بوم بوحة، وذلك خلال تصريحات تلفزيونية.