سعيد الأرتيست يهاجم حسن شاكوش: بيغني بفلاشة ومعايا الدليل.. ومحدش من النقابة بياخد إجراء ضده

علق عازف الإيقاع سعيد الأرتيست على غناء مطرب المهرجانات الشعبية حسن شاكوش بفلاشة في إحدى الحفلات، مؤكدًا أنه معه دليل باستخدام حسن شاكوش للفلاشة أثناء الغناء.

وقال سعيد : طبعا حسن شاكوش بيغني بفلاشة الفترة دي، ومعايا الدليل وأنا بلغت شخص مسئول في النقابة ولم يتخذ أي إجراء ضده، ودلوقتي كل واحد يغني بفلاشة ويدخل نقابة الموسيقيين والفنانين اللي بجد مش لاقيين يشتغلوا.

وسبق وهاجم سعيد الأرتيست حسن شاكوش عبر حسابه على فيسبوك، قائلًا: حسن أهان كل عازفي الإيقاع وكان لازم الاعتذار قبل التصريح وده المتفق عليه من النقابة.. واخد التصريح من تحت الترابيزة وده اللي الناس ماتعرفهوش وبكره هيبان كل حاجة.

كما علق سعيد في تصريح سابق ، على المشاجرات التي حدثت في مؤتمر اعتذار حسن شاكوش لمجلس نقابة الموسيقيين، قائلًا: حسن شاكوش غلط في بناتي، وقال لو رب البيت طبال بنته بتطلع رقاصة، وبيقول ده بيت شعر، بيت شعر ايه اللي واحد عراقي سكران طالع يقوله؟.