فرح الزاهد عن دورها فى «بحبك»: مش مصدقة أني وقفت قدام تامر حسني

عبرت الفنانة الشابة فرح الزاهد، عن سعادتها الكبيرة بمشاركتها في فيلم "بحبك" للنجم تامر حسني كضيفة شرف، الذي تم طرحه في دور العرض السينمائي ضمن موسم أفلام عيد الأضحى.

وقالت فرح، في تصريحات صحفية :اتبسطت جدًا بالمشاركة.. لأني اتربيت على أغانيه.. وما كنتش مصدقة نفسي كنت عاوزه أروح اللوكيشن علشان أشوفه مش علشان أمثل معاه.. حتى لو مشهد هيضيف ليا.. استمتعت جدًا لأنه مخرج جميل مش بيتعب الممثلين مش زي المخرجين التانيين.

وتابعت: تامر حسني علمني حاجات كتير لأنه متواضع وجميل وبيحب الناس.. وهفضل طول عمري فاكره المشهد ده.. وهتفضل ذكرى حلوى إني شفته ومثلت معاه ودخلت الفيلم تلات مرات من كتر حبي فيه.

وتدور أحداث فيلم بحبك، في إطار اجتماعي رومانسي، وشارك في بطولته مجموعة كبيرة من الفنانين منهم الفنانة هنا الزاهد، تامر حسني، هدى المفتي، أحمد عزمي، مدحت تيخا، والعمل من تأليف وإخراج تامر حسني