أغنية ”المصلحجية كترو” لـ أحمد شيبة تتخطى حاجز الـ5 مليون مشاهدة

تخطت اغنية “المصلحجية كترو”، للمطرب الشعبي أحمد شيبة، حاجز الـ5 مليون مشاهدة، عبر قناته الرسمية عبر موقع الفيديوهات العالمي “يوتيوب".

وأغنية “المصلحجية كترو”، غناء أحمد شيبة، ومن كلمات: عمرو قطب، الحان: وليد سامى، توزيع: طه الحكيم، وتقول كلمات الأغنية: “المصلحجية كتروا والناقصين ريحتهم فاحت وعيال في اللفة كبروا في معلمينها طاحت أصلب طولك يا ضهري خليني على حيلي واقف ماتطمعهمش فينا لا يقولوا هيبتنا راحت أبطال كلام وفعل مفيش عضلات منفوخة قش وخيش الله يرحم زمن الرجولة بقا كله خلاص بياكل عيش أصحاب ولا يعرفوا التقدير ولا في إخلاص خلاص للغير كله بيجري ورا مصلحته العشرة كاسرين وراها زير معاك فلوس هيحترموك ممعكش بالرجل وهيشوطوك هتشخلل جيبك هتعدي والكل بالحضن هياخدوك مبقاش في حد عنده ضمير ولا حتى احترام لكبير والدنيا باظت يابا على الآخر واللي ركبوا الموجة كتير توب الرجولة اتهرى من كتر ما لبسوه عيال ولا عادش في مرج والكل بقوا اندال قلبت قلبت خلاص معيلة والسندال حاله مال وخلاص بقت هرجلة والسالك الشمال توب الرجولة اتهرى من كتر ما لبسوه عيال ولا عادش في مرجلة والكل بقوا اندال قلبت قلبت خلاص معيلة والسندال حاله مال وبقت خلاص مهزلة والسالك الشمال معاك فلوس هيحترموك ممعكش بالرجل وهيشوطوك هتشخلل جيبك هتعدي والناس بالحضن هياخدوك مبقاش في حد عنده ضمير ولا حتى احترام لكبير والدنيا باظت يابا على الآخر واللي ركبوا الموجة كتير ”.