دلوقتي بشوف نفسي طفلة...تعرف على أبرز تصريحات فيفي عبده

عرضت شاشة قناة القاهرة والناس الفضائية أمس الخميس الجزء الأول من حلقة الفنانة فيفي عبده ببرنامج "حبر سري" الذي تقدمه الإعلامية أسما إبراهيم، ومن المقرر عرض الجزء الثاني اليوم الجمعة.

وأثارت الفنانة فيفي عبده الجدل بتصريحاتها في الجزء الأول من الحلقة، حيث كشف الكثير من الأمور الشخصية والفنية، وقالت: "لا أعلم إذا ما كانت أموال الفن حرام أم لا، أبقى إنسانة غبية لو قولت إنها مش حرام، خلاص كبرت بيها وبقيت فيفي عبده".

وتابعت: "مش هقدر أقول حرام وأتوب وما أتوبش، أنا بتعب في شغلي جدًا، وربنا هو اللي عالم هتوب امتى.. ولا أقبل التبرع بأعضائي بالعكس، هذه خطوة جميلة من إلهام شاهين، لتنقذ بني آدم، ولكنها وجهات نظر".

وعن طفولتها قالت: "معشتش طفولتي ودلوقت أنا بشوف نفسي طفلة والبيت كله بيحبني.. وبشوف الناس ينزلوا صور عزايا، وصوري وأنا في المستشفى، البني آدم زي الشجرة، مسيرُه ييجي يوم ويموت عادي، دي الحقيقة الوحيدة في الدنيا.. وباخد أي ملابس لبستها في أي عمل عشان ميحصلش فيها أي حاجة بدفع فلوس وأخدها، مبحبش حد يلبس لبسي".