هروب ناهد السباعي قبل ساعات من حفل زفافها لهذا السبب

كشفت الفنانة ناهد السباعي، عن تجربة هروبها من حفل زفافها على محمد عبد ربه، قبل يوم واحد من إقامته، وذلك خلال لقائها ببرنامج «كلمة أخيرة»، الذي تقدمه الإعلامية لميس الحديدي على شاشة ON.

وقالت السباعي،: «قلت لماما مش عايزة اروح الفرح بكرة، قالت لي يلا ياحبيبتى».

وتابعت: «حصلت مشاكل ملهاش علاقة بيا بس حسيت أن المشاكل دي ماينفعش أعيش بيها في حياتي».

وقالت السباعي “أنا مش بطيق الراجل أصلاً، أنا عدوتهم لما بحس حد بيقلي جايبنلك عريس واتعرفي عليه بعملهم مصايب وبعيط وبنهار وبصوت”.

من جانبها قالت والدتها، المنتجة ناهد فريد شوقي،: “دي بتتعب وبتبقى عيانة وكنت بقول لنفسي تكونش بتمثل”.

وتابعت والدتها: “لم أعترض على هروبها رغم أنه تم كتب الكتاب، وقلتلها مافيش حاجة خلاص اللي هتحسيه هنعمله”.

وأضافت :”كنا خلاص في العين السخنة، وكنا خلاص هنعمل الفرح، وماحستش إنها رافضة قبل الوصول إلى ليلة الفرح”