مجدي أفشة يوجه رسالة غامضة قبل مواجهة الإسماعيلي

وجه محمد مجدي أفشة، نجم الأهلي، رسالة غامضة، وذلك قبل أيام من مواجهة المارد الأحمر ضد الإسماعيلي، بالدوري المصري الممتاز.

وقال أفشة، عبر حسابه الرسمي على «إنستجرام»: «الحياة رحلة مليانة قصص نجاح وفشل ومشاكل، ربك سبحانه وتعالى كتب على البشر كده، وفي رحلة الحياة لازم تتعب وتجتهد وتشتغل، لازم تعرف أنك هتفضل تتعلم لحد ما تموت».

وأضاف أفشة: «كل يوم فيه جديد هي دي سنة الحياة، مش مهم أنت مين ولا وضعك إيه، على قد ما هو مهم إنك تعرف تستفيد من كل حد بيوجهك وبينصحك وبيعلمك، والأهم إنك تكسب الرهان مع نفسك، إنت اللي تسوقها مش هي اللي تسوقك، الانضباط أساس النجاح».

ومن المقرر أن يلتقي الأهلي مع الإسماعيلي، بعد غدٍ الأربعاء، ضمن منافسات الجولة الأولى من الدوري المصري الممتاز.