سميح ساويرس: اللي مبيحبش مهرجان الجونة يتقي الله وميبصش على الفساتين

قال المهندس سميح ساويرس، مؤسس مدينة الجونة، إن حريق بلازا الجونة ليس بفعل فاعل، مؤكدًا أن الحريق نشب بسبب ماس كهربائي من أحد المحلات وانتشر في الأرضية ثم تمكنت سيارات الإطفاء من السيطرة عليه.

وأضاف خلال لقاء لبرنامج «تفاعلكم»، المذاع عبر فضائية «العربية»، مساء الأحد: «مفيش إرهابي بالغباوة دي ينقي حتة مش مهمة ويسيب حتة مهمة أسهل الوصول إليها كمسرح الفعاليات الذي لم تكن عليه رقابة»، بحسب تعبيره.

وعن بعض التعليقات التي وصفت الحادث بأنه «عقاب إلهي»، عقب: «لو عقاب إلهي بهذه الصورة تبقى وقعتنا سودة، ولو كل مرة حد يغلط ربنا يعمل فيه كده مكنش فضل شخص على الأرض»، وفقًا لقوله.

وناشد من لا يحبون المهرجان عدم متابعته وانتقاده، مضيفًا: «إحنا بننفذ حاجة ناجحة وكتير بيحبها، اللي ميحبش الحاجة دي ميتفرجش عليها وملوش دعوة بيها ويتقي الله في نفسه وميبصش على الفساتين، زهقنا من كل واحد هيعمل ولي علينا، ربنا اللي هيعاقبني مش هو»، بحسب وصفه.

وتابع: «من يعاقب في النهاية ربنا مش الناس، كل شخص لا يمتلك حق إدارة حياة الآخرين، عليه أن يدير حياته ويصلي 24 ساعة وملوش دعوة بنعمل إيه وبنعيش إزاي ولا ربنا هيعمل معانا إيه، لأنه ليس وصي علينا».