ابنة شقيق شادية تهاجم الشامتين في وفاة رجاء الجداوي..الإخوان السفلة

وكتبت ابنة شقيق شادية، في منشور لها على فيسبوك، الذي أشارت فيه إلى أميرة مختار - ابنة رجاء الجداوي: «طيب علشان الاخوان السفلة، وقهرتهم، بيتجننوا لما يشوفوا اى حاله حب او طاقة ايجابية .. عمرك شفت اخوانى سعيد ومحب وعطوف .. الا غل غل غل غل .. المهم ايوه الست ديه كانت محبوبة وبشكل غريب ورهيب».

وأضافت: «صحيت على الخبر قعدت ابكي بشكل هستيري .. وتانى قعدت ابكى عليها النهرده الفجر وادعى لها كائنها حد اعرفه كل سنين عمرى .. كنت كل يوم الصبح افتح ادور على اخبارها علشان اطمن عليها او اكلم اصدقاء مشتركين .. يطمنونى عليها .. او ادخل اشوف الاستاتس بتاع بنتها ونفضل ندعى لها .. كنت متمسكه بالامل انها ترجع لنا واحضنها وابوسها .. ليه؟؟ .. ماتسئلش ليه .. هو ربنا لما بيحط الحب فى القلوب بسنتغربه ليه ؟؟ .. هى محبتها فى قلوب ناس كتير اعرفهم مالهمش اساسا فى حاجة ولا يعرفوها».

واختتمت: «بس ربنا اراد .. وارادته خير . كانت هاتفضل عايشه متعذبه متوجعه لان المرض الحقير ده لما بيصيب عضو فى جسم الانسان بيدمره .. الست الجدعه الاصيلة . .. كلنا بنحبك يارجاء وهانفتكرك دائما بالخير .. وبنتك هى بنتنا».

وتوفيت الفنانة رجاء الجداوي فجر الأحد، داخل مستشفى"أبو خليفة" للحجر الصحي بالإسماعيلية، متأثرة بإصابتها بفيروس كورونا المستجد.

وكانت رجاء الجداوي أصيبت بالفيروس وأثبتت التحاليل إيجابية إصابتها وذلك خلال فترة تصويرها أحد المسلسلات، وتم نقلها للحجر الصحي بالإسماعيلية، وتدهورت حالتها الصحية، وتم وضعها بالعناية المركزة على جهاز التنفس الصناعي والانبوبة الحنجرية، وتوفيت متأثرة بإصابتها بالفيروس.

وأجرت رجاء الجداوي تحليلها الأول يوم 27 مايو الماضي، وأثبتت التحاليل إيجابية إصابتها بفيروس كورونا المستجد، بعد أن شعرت في يوم 28 رمضان الماضي بارتفاع درجة الحرارة والتي وصلت لـ39 درجة، عقبها أجرت التحاليل التي أثبتت إيجابية إصابتها، ونقلت للغرفة 212 بالدور الثاني في مستشفى عزل أبو خليفة لتلقي العلاج اللازم.

وتدهورت حالتها ووضعت على إثرها في العناية المركزة، ، بعد أن عانت من نقص في نسبة الأكسجين في الدم، ترواح نسبته بين 87 إلى 89%، ووضعت "ماسك فنتوري" للأكسجين، ووضعت على جهاز تنفس صناعي "سباب" غير تدخلي، ومع تدهور حالتها وضعت على أنبوبة حنجرية، ولفظت أنفاسها الأخيرة صباح يوم الاحد الماضي.

وتابعت ابنة شقيق شادية: «شوفوا انا مشفتهاش فى حياتى غير 4 مرات، ومنهم مره فى الجامع واحنا بندفن الحبيبة كانت جميلة وحزينة وجدعه بشكل، وهى اصلا كانت السبب فى دخولها المستشفى العسكري ومن غير ما احكي كتير ومقولتش كلمة فى الموضوع ده، مع انا ناس تانيه نسبوا الموضوع ليهم .. بس هى كانت جدعة وبتعمل الخير من غير ما تقول، على طول كده مواقف اسمعها بتعملها وفى صمت، من غير منظرة.