أنا بتحسد بسبب رقصي... تعرف على أبرز تصريحات فيفي عبده

لم تكن هذه هي المرة الأولى التي أطلقت فيها فيفي عبده تصريحات نارية عن الرقص ولكن سبقتها تصريحات أخرى، وفيما يلي أبرز تصريحات فيفي عبده عن الرقص:

1- «أنا بقول سبحانك يا رب معلش، ربنا يسامحني أنا بحب الرقص جدًا، وحاجة بتديني طاقة إيجابية ليا أنا.. وبكون سعيدة، ومخلصة في عملي وبحبه، وحتى لو قابلت رب العالمين هقول بحب الرقص، لأن مش ممكن أبقى كدابة، وفيه ناس كدابة، يبقوا بيشربوا الحشيش، ويقولوا (لا لا، حد الله) ودول ناس كذابة، ولازم منكدبش على رب العالمين، ولازم الإنسان يكون واضح».

2- أرفض كتابة كلمة «راقصة» على قبري، «متنفعش، إزاي تحط الراقصة، هو أنا هروح بلقبي كراقصة، أنا يمكن أكون غلطانة إني بقول يارب أنا بحب الرقص، بس ربنا هو اللي بيحاسب مش حد تاني، ومش هخلي حد يحطلي لقب على مدفني».

3- «أنا مشبعتش من الفن، ده بيبقى في الدم، وهعتزل الرقص لما ربنا يريد، ومش هتوب.. هتوب عن إيه؟ أنا مقتنعة باللي بعمله ودي مش اسمها توبة، ربنا رب قلوب».

4- «بحب الرقص وكل الناس بتحب الرقص وأنا بحب الرقص جدًا وبحب اللي بيحب الرقص جدًا واللي مبيحبوش الرقص خليهم في حالهم».

5- «لما أموت هاقول لربنا أنا بحب الرقص الشرقي، فأنني لست نادمة».

6- «أنا بتحسد بسبب رقصي، بس أنا بحبه، زي ما بحب الكلمة الحلوة».