أبويا حافظ القرآن كله واتعلمت منه الالتزام... تعرف على أبرز تصريحات محمد رمضان

نوفمبر 2015، أجرى الإعلامي خيري رمضان حوارا مع الفنان محمد رمضان في منزله، ببرنامجه "ممكن" عبر شاشة CBC، وصاحب رمضان خلال الحلقة أفراد عائلته بالكامل، وهم شقيقه محمود رمضان، وشقيقته إيمان رمضان، ووالدته وزوجته، لكن والده لم يظهر.

غياب والد محمد رمضان أثار انتباه مقدم البرنامج، وهو ما دفعه لسؤال رمضان قائلا: "أنا عندي جزء غايب في الحوار ده.. وهو الأب.. لدرجة إني شكيت إن الأب يا إما توفاه الله، أو هناك انفصال ومش عايش معاكم"، وعقب رمضان: "ده بيصلي فوق".

أضاف رمضان متحدثا عن والده: "أبويا هو كل حاجة، أحن قلب في الدنيا، إحنا ماشيين ببركته، أنا أبويا والله العظيم عمري في حياتي ما شفت له صديق دخل عندنا البيت، أبويا بينام الساعة 8، ويصحى قبل الفجر يصلي القيام، ثم يقرأ في الجرائد، ثم المصحف لأنه الحمد لله حافظ القرآن كله".

تابع: "أنا اتعلمت من أبويا الالتزام، مابيشغلش باله بأي حاجة في العالم، وهو مصدر الكوميديا في حياتي وأكتر حد بيضحكني، كوميديا نابعة من الفطرة، وكنت بستغرب إن أبويا طموحه الوحيد في الحياة هو إحنا، إننا نكون كويسين وأحسن، قمة طموحه كان إنه يطلع الحج، وبعد ما حج بعد كل طموحه هو إحنا وبس، أنا حظي كويس إن ربنا اداني أب وأم قمة طموحهم في الحياة إن أولادهم يكونوا كويسين".