بشكر ١٪ اللي مجاش لو جه معرفش كنت هبقي فين.... ذكريات أحمد أمين مع الثانوية العامة

بعد ظهور نتيجة الثانوية العامة اليوم ,وجه الفنان أحمد أمين رسالة لطلبة الثانوية العامة ساردًا ما حدث له في يوم النتيجة.

وكتب أحمد أمين عبر صفحته الرسمية بموقع فيس بوك: “لما بفتكر ثانوية عامة بشكر الواحد في المية اللي مجاش.. لو كان جه معرفش كنت هبقى فين!فرقت معايا على جزء من عشرة في المية.. عشان أدخل إعلام الكلية اللي كنت عايزها ساعتها.. فدخلت فنون جميلة.. واشتغلت في الصحافة لحد ما وصلت رئيس تحرير وأنا مش إعلام”.

وتابع: "بعدها بقيت ممثل وأصحابي من فنون جميلة بقو فريقي اللي عملنا مع بعض البلاتوه..أنا عارف يوم النتيجة بتبقى زعلان أو فرحان علشان فاكر إن دي نتيجة مرحلة.. لكن الحقيقة إنها بداية مجموعة اختيارات كتيير.. كلها ممكن توصل للنجاح عادي جدًا".

واستكمل: “أصل النجاح مش مرحلة من الدراسة.. ده مشوار كبير وطريق طويل وتغييرات كتير.. ممكن التفوق يبقى نقمة وممكن عدمه يبقى نعمة.. المهم هنكمل إزاي وهنختار إيه.. مبروووك من قلبي لكل الناس اللي طلعت نتيجتهم بغض النظر عن نتيجتهم.. مبروك عليك بداية اختياراتك!”.