وفاة عروس بالسكتة القلبية بعد دخولها عش الزوجية بساعة فقط

رحلت العروس" إسراء شعبان" التي تبلغ من العمر 18 عاما وتركت خلفها حالة كبيرة من الحزن والصدمة البالغين، لم تتوقف عند أسرتها وأقاربها وأصدقائها فقط، بل سرعان ما تحولت العديد من صفحات موقع التواصل الاجتماعي «فيس بوك» إلى سرداق عزاء، إذ نعاها العديد من النشطاء لوفاتها، داعين الله بالمغفرة لها والإنزال بالصبر والسكينة على قلوب أسرتها وزوجها.

ولم تشعر العروس قبيل وفاتها بأية آلام أو تشكي تعبًا على الإطلاق، بل كانت في قمة سعادتها وسط أسرتها وأصدقائها وزوجها، وهي تغني وترقص مع كافة الحضور، «مكانتش بتعاني من أي حاجة وقت الفرح، ورقصت مع حابيبها وصحابها وقرايبها كلهم، كانت فرحانة جدا، وفضلت تحضن فينا وهي بترقص ومكانتش حاسة بحاجة خالص، كانت فرحانة وبس، ولما ماتت محدش فينا استوعب ولا مصدق لحد دلوقتي اللي حصل».

وفاة عروس بني سويف بسكتة قلبية

بعد نقل العروس إلى أحد مستشفيات القرية، تم تشخيصها من قبل الأطباء بأنها توفت جراء تعرضها لسكتة قلبية مفاجئة، ولم تعاني من أسباب مرضية أخرى، وهو ما أدى إلى وفاتها في الحال، «الدكاترة قالوا في المستشفى إنها ماتت بسبب سكتة قلبية مفاجئة، حصلت لها أول ما روحت».

طبيب يشخص حالة عروس بني سويف

أوضح دكتور وليد استشاري القلب، إنه توجد بعض الأمراض المنتشرة في الأرياف مثل بني سويف، ومن عاداتهم ألا يفصحوا عن مرض البنات، ومن تلك الأمراض المنتشرة هي الحمى الروماتيزمية التي تصيب القلب، «أحيانا في الأرياف البنت بيبقى عندها حمى روماتيزمية وضيق في صمامات القلب، والأهل إما مبيقولوش أو يعالجوها في صمت، وفي الحالة دي العلاقة الجنسية بتبقى مجهدة على القلب، ويمكن هي توفيت بسبب العلاقة في أول يوم، وده اللي أدى أنها تموت».

وأكمل عن ثاني احتمال لوفاتها بالسكتة القلبية، «هي ممكن تكون سليمة تماما ومفيشهاش حاجة، ولا أي أعراض، بس بتعاني من خلل في كهربية القلب، ومحدش بيكتشف المرض ده غير في ساعتها بس وطبعا ممكن المريض ميتلحقش زي ما حصل مع البنت واتوفت».

وعن احتمالية أن تكون الفرحة الزائدة هي سبب الوفاة، أوضح العوضي إنه سبب مستبعد، «هي فرحت من أول ما اتخطبت، والفرحة الزيادة ممكن تموت، لو في خلل في كهربية القلب، آه بيحصل كده أو لو حصل عنف من العريس ونزيف مثلا، ممكن يؤدي لوفاتها بالسكتة القلبية، ولكن يصعب تحديد كل تلك الأسباب، وعادة ما يكتب الطبيب الشرعي سبب الوفاة العام، كان لازم فحص كويس جدا، لكن لو في حاجة جنائية صعبة يعرفها الدكتور في ساعتها ولازم تحاليل وحاجات كتير».

كانت إحدى صديقات العروس قالت عن وفاتها، «مكانتش بتعاني من أي حاجة وقت الفرح، ورقصت مع حابيبها وصحابها وقرايبها كلهم، كانت فرحانة جدا، وفضلت تحضن فينا وهي بترقص ومكانتش حاسة بحاجة خالص، كانت فرحانة وبس، ولما ماتت محدش فينا استوعب ولا مصدق لحد دلوقتي اللي حصل».