بسبب حنين حسام .. آيتن عامر في مرمي النيران

هاجم العديد من الجمهور والمتابعين الفنانة آيتن عامر، وذلك بعد أن نشرت عبر صفحتها الشخصية بموقع التواصل الاجتماعى انستجرام، فيديو جديد لها تحتفل بوصول صفحتها الى 11 مليون متابع.

ودعت آيتن في الفيديو جمهورها ومتابعيها الى تحميل تطبيق BIGO LIVE، ليستمتعوا بالفيديوهات اللايف معًا.

حيث علقت على الفيديو قائلة: نزلوا الابليكيشن BIGO live عشان نتقابل live الساعة ٥ ونتكلم ونحتفل سوا بالـ١١ مليون.

وعلقت إحدى المعجبات: امال مش دا بردو اعلان لنفس البرامج الي حنين حسام اتحبست عشانها

وعلقت أخرى: نفس نوعية الأبلكيشنز اللي حنين حسام اعلنت عنها واخدت بسببها ١٠ سنين...وكل الناس عارفه كويس الأبلكيشنز دي بيتعمل فيها ايه في اللايڤات...ومش معنى انك نجمة تقومي تقبلي تاخدي فلوس عشان تعملي اعلان وتطلعي لايف محترم وسلامو عليكم وبعد كده كل اللي نزل الابلكيشن بسببك عارف سكته بعد كده منين...مش هقول في المبادئ بس علي الاقل فين القانون...لو حنين هتتسجن يبقا كل الابلكيشنز دي تتقفل وكل اللي اعلنوا وبيعلنوا عنها يتسجنوا هما كمان ولا ايه مش هو ده العدل؟

وأخرى قالت: ما تفتحي اللايڤ هنا وتتكلمي براحتك بدل البرنامج القذر ده !

انتي مش ناقصك حاجة يا آيتن عشان تعملي اعلانات وبعدين حتى لو انتي محتواكي محترم افرضي البنات دخلت واتسحلت فيه
اتقي الشبهات وبلاش الكلام ده لأنه زيه زي البرنامج اللي أعلنت عنه حنين حسام ومش هيبقى عدل ابداً هي تتحبس وانتي تعلني عادي.

يذكر أن نوعية هذه البرامج قد أدت الي الحكم على حنين حسام بالسجن المشدد 10 سنوات، وتغريمها 200 ألف جنيه.