عملات مصرية قديمة تباع بأكثر من مليون جنية في البيت

العملات القديمة المطلوبة في مصر تتعدد وتتنوع بحسب أهميتها في التداول، ولكن هناك عدة عوامل تلعب في زيادة الطلب علي بعض العملات القديمة المطلوبة، يأتي في مقدمتها، تلك النسخ الورقية التي تم طباعتها من تلك الورقة البنكية، حيث إن قلة الأعداد المطبوعة تلعب دورا بارزا في زيادة سعر تلك العملات، وذلك لأن وجودها يكون نادرا نوعا ما، ما يزيد من الإقبال عليها، وهنا يبدأ سعر التداول في التزايد لرغبة التجار في الشراء بهدف الاستفادة من تلك العملات الذي يعد امتلاكها كنز لهم، بحسب محمد عيسي، تاجر عملات قديمة في منطقة العتبة.

يؤكد «عيسي»، أن أهم العملات القديمة المطلوبة في مصر هي فئة الـ 50 قرشا التي تحمل صورة ابوالهول في المنتصف، مشيرا إلى أنه منذ سنوات عديدة يعمل في مجال بيع وشراء العملات المصرية القديمة، وخلال عمله هذا ينظر أولا إلى تاريخ إصدارها، وعدد الأوراق التي طبعت منها.

العملات القديمة المطلوبة

على الرغم من مرور تلك السنوات التي قضاها من عمره متجولا داخل الأسواق وينتهي به المطاف في المحل الخاص به، لم يرى «عيسى» في حياته تلك العملات، ولكنه يعلم جيدا أنها مطلوبة بكثرة على بعض المواقع الخاصة بالعملات القديمة: «فيه عملات كتير أصلا مش موجودة علشان كده تلاقي سعرها عدى المليون جنيه، لأنها كده كده مش موجودة أصلا زي الجنيه أبوجملين مثلا، وده سعره خيالي، لأنه أصلا مش موجود منه نسخة واحدة حتى، والحاجات دي صعب نلاقيها، وأنا راجل تاجر لكن مفكرتش اشتري العملات دي، ولو حد معاه منها يبقي ضمن أنه يبقي غني لأنه هيبقي معاه كده كنز، لكن بشرط يدور على مشتري».

لم يعلم الرجل شيئا عن قيام أحد التجار في مصر بشراء عملات بتلك القيم المرتفعة ولكنه يدرك جيدا أنها مطلوبة بالخارج، لأنها تعبر عن حقبة زمنية بعيدة إلى جانب ندرة وجودها كونها أول عملات: «معظم الحاجات القديمة لها قيمة كبيرة، لكن فيه ناس كتير متعرفش ده، وبرضه مش كل اللي عنده عملة قديمة يبقي كده عنده كنز، هما 4 أو خمس عملات اللي سعرهم معدي فعلا، لأنهم مش موجودين في السوق من الأساس، أولهم الشلن اللي عليه رأس نفرتيتي وده بشروط معينة، ومش أي شلن ينفع، فيه كمان الجنيه أبوجملين، وده مشفتش منه في حياتي، لكن شفت مرة واحد بيسأل عنه وبيقول أنه مستعد يشتريه بـ 2 مليون، وقتها محدش أصلا قاله عندي، لأنه مش موجود، وفيه برضه الـ 50 قرش اللي عليها رأس ابوالهول، وده برضه سعره معدي المليون جنيه، ده غير بقي العلامات التذكارية».

العملات القديمة المطلوبة معظمها تعتبر نادرة الوجود، ولكن هناك بعض الفئات التي لا تمثل شيئا في السوق ومنها تلك العملات التي طبعت حديثا ويوجد منها مطبوعات عديدة: «الفضة كلها ملهاش قيمة أقصى قيمة للشلن الفضة بـ 30 جنيه، لأن فيه منه كتير علشان كده محدش مهتم بيه».