علي غزلان يقضي شهر عسل أيام الخطوبة شاهد تقاليع أخر الزمن

تصدر الطبيب واليوتيوبر علي غزلان، محركات البحث خلال الأيام القليلة الماضية، وتحديدًا عقب إعلان خطوبته على فرح شعبان، ملكة جمال مصر 2017.

شهر عسل في الخطوبة

وكان اليوتيوبر علي غزلان تعرض لانتقادات لاذعة من قبل رواد مواقع التواصل الاجتماعي، عقب استقباله لخطيبته في دبي، خلال العطلة الصيفية، والتقاطهم العديد من الصور الرومانسية سويًا، ما وضعهما في دائرة الانتقادات.

وظل البعض يتداول الصور، مدونًا: «ده شهر عسل في الخطوبة»، «هو شهر العسل بقى بعد الخطوبة» خاصة وأن الصور جاءت بعد تداول لقطات مصورة بين اليوتيوبر محمد فرج وخطيبته في الجونة، اللذان طالتهما نفس الانتقادات.

مقطع فيديو: أنا مجنونة

بعنوان «أنا مجنونة» تعرضت فرح شعبان، لموجة من السخرية الواسعة، خلال الساعات الماضية، عقب انتشار مقطع فيديو لها، وهي في نوبة ضحك، داخل السيارة رفقة خطيبها، قائلة: «أنا مجنونة وخلي الناس تعرف إن خطيبتك مجنونة».

وعلى الفور بات فيديو خطيبة علي غزلان مادة للسخرية والتنمر بها.

علي غزلان يدافع عن خطيبته

قرر علي غزلان الرد، خلال منشور عبر حسابه الشخصي بموقع التواصل الاجتماعي «فيس بوك»، قائلا: «خليني أقولكم حاجة أقسم بالله أنا اتعودت على إن الناس مهما هتعمل عمرها ماهتقبلك ولا تتقبلك طالما هي أصلا معندهاش الدافع ده.. يعني بالبلدي كده اللي عايز يحبك وشايف فيك ألف عيب هيدور على ميزة واحدة يفضل يحكي عنها عشان يفضل يحبك، واللي بيكرهك حتى لو فيك ألف ميزة هيدور على عيبك ويفضل يعمل زوم عليه عشان يفضل كارهك، ومن بعد ما اقتنعت بـ ده مبقتش أشغل بالي إني أبرر أو أتكلم وقولت كده كده الناس مبتسيبش حد في حاله، والمهم إني عارف أنا بعمل إيه ومبأذيش حد ولا باجي على حد.. لحد هنا وتمام جدا».

وتابع اليوتيوبر مُدافعًا عن خطيبته: «إنه تكون فيه إنسانة في حياتي فتدخل المعادلة السخيفة دي بذنبي، لا دي أصول ولا رجولة ولا جدعنة ولا روشنة ولا أي حاجة في الدنيا.. البني آدمة دي لا بتقدم محتوى ولا ليها في الجو دا ولا طالعة بتقولكم أنا عاملة فيديو بيضحك يلا قولوا رأيكم .. دي طالعة مع خطيبها في ستوري بيهزروا أو بيتكلموا أو بيعملوا أي حاجة وأنا بعشقها وبعشق هزارها وروحها وإنتو مش مضطرين تركزوا معاها ولا تحكموا عليها لأنها ملهاش علاقه بكل الهيصة دي ولا ليها أي ذنب إنها تنام وتصحى تلاقي الناس بتسخف عليها وبتتنمر، وهي أصلاً لا عاملة حاجة ولا جت على حد في حاجة .. هي مجرد واحدة بتهزر مع خطيبها»

واستطرد: «أتمني أي حد فيكم قبل ما يسف أو يحفل أو يروش يركز ثانية كده ويحط نفسه مكان الإنسانة دي ويشوف نفسيته هتتأثر إزاي ويومه هيبقى عامل إيه، فيه ناس بقت مريضة شهرة إنها تاخد صورة شخص مع خطيبته ويتريقوا ويشتموا من غير وجه حق، ناس مريضة بقت بتاخد وتألف حوارات لمجرد تلم شويه لايكات».

واختتم علي غزلان: «مصيبة إن شتيمة الناس والخوض في عرضهم بقى حاجة سهلة مصيبة إن احنا بنضحك على الكلام ده وبنقول عادي، ما دام مش بحب محتوى الشخص ده يبقى أشتم شخصه وكل شخص يخصه، أنا أول مرة أرد على أي حد ينتقدني، بس المرة دي تعبت بجد».