تامر حسني في جولة مع أطفال الكونسير ڤاتوار

شارك النجم تامر حسني جمهوره صور اعلانه الجديد على حسابه الرسمي على الانستجرام قائلاً "يا نهار الشوق على أجمل ناس ♥️الصوره دي من تصوير إعلان جديد ليا بس تعنيلي كتير أوي، عشان كدا حبيت أكلمكم عليها وبعد ما أخلص كلام هتتأكدوا إنها تعنيلكم إنتوا كمان ،،،. هحاول أختصر

من سنين كنت مكان الأطفال الجميله دول بدرس الموسيقى هنا في الكونسير ڤاتوار و لما كان يدخل علينا فنان مشهور كنا بنفرح أوي و بيبقى عندنا حالة ذهول و كنت بقول يارب في يوم من الأيام أكبر وأنجح و أدخل نفس الدخله دي و أنا فنان مشهور و اشوف نفس النظره الجميله دي في عيون التلاميذ و الأساتذه ..

الحقيقه إني لما دخلت عليهم شفت نظره أكبر بمليون مره من اللي حلمت بيها ، نظرة حب و بكاء و مثل أعلى و أسئله كتير منهم عن مشواري و فضلت يوم كامل أثناء التصوير بحكيلهم و بشجعهم ، و اتمشينا في كل مكان داخل المعهد درست فيه ولعبت فيه