سامر المدني طفل يشتري عربية ب ٣ مليون جنية... شقيت عمري كلة عشانها إنتو متعرفوش حاجه

نشر مطرب المهرجانات سامر المدني، الذي يعد أصغر مؤدي في عالم المهرجانات، لا يتجاوز عمره 16 عامًا، صورته بصحبة سيارة «رانج روفر» باهظة الثمن، عبر حسابه على موقع التواصل الاجتماعي «فيس بوك».

وكتب «المدني» صورة عليها تعليقًا «مفيش مبروك ولا أيه على الـ Range Rover وجاهزين يوم الخميس للاحتفال الساعة 6 مهرجان شيطان يلا إحنا جامدين والله».

انتقاد متابعون

وتفاعل المتابعون على صورة السيارة وتم توجيه انتقادات للمطرب الصغير ودارت تساؤلاتهم حول من أين جاء مطرب المهرجانات بملايين الجنيهات؟، ومن منهم أبدى سنوات ندمه وحسرته على سنوات تعليمه ودراسته وشهادته الجامعية.

ورد مطرب المهرجانات سامر المدني على الانتقادات التي وجهت له بقوله: الناس اللي بتقول هتحط الشهادة فين؟ طب ما تشتغل وتتعب وهتوصل للي بتحلم بيه ولا إنت قاعد في البيت تبص لده جاب ايه ودا جاب ايه؟.

وتابع: «أسعى وأشقى وهتجيب أحسن مني ومن غيري، يومكم كله رزق إن شاء الله»

سيارات غالية

وقبل صورة سامر المدني مع سيارته الرانج روفر، نشر المطرب عمر كمال في سبتمبر الماضي، عبر مواقع التواصل الاجتماعي، سيارته الجديدة X6 وعلق قائلًا: وركبت الـX6.

وحرص عمر كمال على نشر صورته أثناء بدايته وعمله في «بنزينة»، قائلًا: «مفيش حاجة بتيجي بالساهل.. هتقعد تقول أحط الشهادة فين وبص مين معاه وبص مين جاب إيه هتقف مكانك ومش هتتحرك.. الدنيا والأيام بتجري ولو ملكش قلب تسعى وتجازف وتجرب الدنيا هتفرمك وهتبقى زي الكتير اللي تايهين فيها».

وتابع: «أتعلمت وأخدت شهادة؟ أنا بردو أتعلمت وأخدت شهادة، طلعت مش لاقي شغل، أنا بردو طلعت مش لاقي شغل، أهلك صرفوا دم قلبهم عليك، أنا بردو زيك، بس أنا مقعدتش اشتكي حالى وأقول حال البلد وأقول كأني وماني، نزلت أشتغل بأيدي وقولت حب ما تعمل حتى تعمل ما تحب، اشتغلت كل حاجة، جريت في كل السكك اللي ممكن توصلني للنجاح، بتعامل وبوصل لكل الناس اللي ممكن أشتغل معاهم ويضيفوا ليا، بشغل دماغي وبتعلم وبحاول أفهم الدنيا والسوق رايحين فين وأعمل اللي يعجب الناس، قول الحمد لله ولو لقيت غيرك في نعمة قول ربنا يزيده ويديني».