عارفة عبدالرسول لمنتقدي نزولها البحر بـ«مايوه»: ««خليلك الجنة يا عم»

علقت الفنانة عارفة عبدالرسول، عن الانتقادات التي واجهتها من خلال صفحات السوشيال ميديا بعد نشرها صورها بالمايوه وعلقت عليها «لقيت الطبطبه»، حيث انهالت عليها الكثير من التعليقات السلبية.

وقالت «عبدالرسول» عبر برنامج «et بالعربي»: «أنا إسكندرانية وطول عمرنا بنلبس مايوه واحنا نازلين البحر، وكلنا عارفين إن البحر يعني مايوه، والبحر جزء من حياتنا».

وأضافت: «بجد كنت مستغربة الناس اللي بتقول نازلة البحر بالمايوه، ربنا يهديهم وربنا يهديني، كل اللي أنا بطلبه من الناس ‏إن كل واحد يبص في ورقته، محدش له دعوة بالتاني».

وتابعت: «خليلك الجنة يا عم خلاص إدخل أنت الجنة، ولما كلكم هتخشوا الجنة أمال مين ‏يعني اللي هيخش النار.. سيبني أنا بقى أدخل النار مالكش دعوة بيا سيبني في حالي».

يذكر أن آخر أعمال الفنانة عارفة عبدالرسول مسلسل «بـ100وش» بطولة الفنانة نيللي كريم وآسر ياسين، من تأليف وائل عمرو الدالي، وإخراج كاملة أبوزكري.