بتعملي تريند على قفايا، ريم طارق تعلق من جديد على خلافها مع زوجة علي غزلان

كشفت ريم طارق، طليقة مؤدي المهرجانات، حسن شاكوش، كواليس خلافها مع البلوجر فرح شعبان، زوجة البلوجر علي غزلان، حيث أكدت أن ما حدث بينهما كان سوء تفاهم.

في هذا السياق، نشرت “ريم”، “ستوري” عبر انستجرام، لتؤكد من خلاله إنهاء الخلاف معها، مشيرة إلى أنها تحدثت معاها لتقريب وجهات النظر بينهما، بعد هجومها الحاد عليها.

وكانت ريم طارق طليقة مطرب المهرجانات حسن شاكوش، قد هاجمت البلوجر الشهيرة فرح شعبان زوجة البلوجر علي غزلان، مؤكدًة أنها تستغل ما حدث لتصبح تريند بعدما تحدثت فرح عنها في برنامجها الذي يحل مشاكل الطلاق بين الأزواج.
وقالت من خلال بث مباشر عبر صفحتها على "انستجرام": "ناس كتير بعتتلي فيديوهات للبلوجر فرح شعبان من برنامجها هى بتتكلم عني أنا واللي كنت متجوزاه ومتدخلة في حياتنا الشخصية أكتر مننا مش عارفة ليه، إحنا حصل بينا قعدة صلح من 3 أيام والراجل اداني حاجتي اللي عنده بما يرضي الله".

وتابعت ريم طارق: "انتي عاوزة ايه دلوقتي عايزة تعملي مشكلة حابه خراب البيوت، ده انتي بتعملي حلقات عن الطلاق، مش المفروض تحترمي حاجة زي دي، بدل ما تطلعي تقولي ان الطلاق المفروض يكون في هدوء بدون تدخل الإعلام، طالعة تعملي تريند على قفايا، انتي عملالي فولو ليه لحد دلوقتي وكنتي بتكلميني في أول المشكلة ليه وعايزة تعرفي كل التفاصيل".

وأضافت: "انتي جيتي بيتي وقت الخطوبة عيب اتقي ربنا انتي متجوزة وعندك طفل، ربنا اداكي نعمة حافظي عليها لإن مش كل البنات طايلينها دلوقتي، ممكن كنت أتمنى أبقى زيك، متفرحيش وتشمتي في طلاق متطلعيش ملكة بجناحات في مشكلة اتنين بيتطلقوا".

وعن مشاكلها مع طليقها، قالت: "أنا كنت بحارب عشان أخد حاجتي ولما خدتها اتضايقت وتعبت، احترمي إن انتي بتعملي برنامج عن الطلاق كنتي استضفتينا تصالحينا على بعض، عيب شوهتي صورتي كنت هتخليني أعمل حاجة أندم عليها بعد ما اتفقت معاه ع الصلح، هتستفادي إيه، ودخلتي ليه على اللايف دلوقتي".

واختتمت حديثها، قائلة: "انتي مين سمحلك تعملي كده؟، اتقي ربنا ومتجبيش سيرة ريم تاني، عايزة تعملي برنامج محترم مش على أعراض الناس ومش على قذف المحصنات الطريقة دي عيب وحرام، حتى لو أنا غلطانة أنا ست زيك المفروض كنتي بتساعديني وقت الخطوبة والفرح مساعدتنيش أتصالح ليه، جاية تدخلي دلوقتي بعد ما حصل صلح، انتي وهو صحاب أنا مالي وعمري ما قولتلك بتكلميه ليه".