مش هشوف مراتي قليلة الأصل لو سابتني لعدم إنجابي.. أبرز تصريحات رامي جمال التلفزيونية

حل المطرب رامي جمال ضيفًا على أحد البرامج التلفزيونية، وتحدث خلال الحلقة عن علاقاته بعدد من زملائه في المجال، بالإضافة إلى حديثه عن مشكلته الخاصة بعدم الإنجاب.

أبرز تصريحات رامي جمال

وجاءت أبرز تصريحات رامي جمال كالتالي:

-أنا مقولتش لمراتي لأ على دخولها لعالم الفن، وقولتلها نجرب تعمل أغنية، ولو نجحت وفي قبول تكمل، بس مش هنتجوز.

-أنا عندي مشكلة إن الست بتاعتي لازم أكون الاهتمام الأكبر في حياتها، والفن بيسرق العمر، وأنا عايز وعمري بيتسرق اللي بحبها تبقى معايا في حياتي.

-مراتي عملت معايا ديو وبتغني معايا لإرضاء الهواية فقط.

-زوجتي تتساب في وسط النار بس الوسط مش سهل للرجالة مش للسيدات فقط.. وأنا في ضهرها في أي حاجه تختارها إلا تكون محترفة غناء.

-عمرو دياب نمبر وان بمقاييس السوق وتامر حسني فنان شاطر بس مش رقم واحد، وممكن نقول عليه نمبر وان بعد 40 سنة مع استمرار النجاح.

-بعاني من مشكلة ليها علاقة بالإنجاب، وكنت أتمنى أخلف طفل ومراتي مش بتعاني من عدم الخلفة.

-قولت لمراتي عمري ما هشوفك قليلة الأصل لو مشيتي بسبب عدم إنجابي وأنا راضي.

-مصر أكبر من اسم ميريام فارس، وهي صوتها لطيف ولكن مش الصوت الرهيب.

-لو ميريام زعلانة إنها مبتتجابش فحفلات، فالشعب حر يجيبك ولا لأ، والفلوس اللي ليا عندك هدية مني.

-أصعب فترة مريت بيها هي فترة استشهاد صديقي عمرو ووفاة جدتي.

-الفلوس مش بتفرق معايا في الدنيا لكن بيفرق معايا الصحة والستر فقط.

-أحمد سعد من نجوم الصف الأول بس أغانيه الأخيرة مش من أقوى الأغاني.