غادة إبراهيم: المثليين كتروا في مصر.. واللي اتعرض للاغتصاب منهم قلبي معاه

تحدثت الفنانة غادة إبراهيم عن ظاهرة انتشار المثليين جنسيًا، مؤكدة أن بعضهم يعاني من أمراض نفسية وتعرضوا للاغتصاب في طفولتهم.

وقالت غادة إبراهيم: المثليين كتروا في مصر وهما نوعين ومنهم مرضى نفسيون وتعرضوا للاغتصاب ودول قلبي معاهم ولازم يتعالجوا، إنما النوع التاني اللي بيتاجر بميوله لا يمكن أتعاطف معاه.

وواصلت غادة إبراهيم حديثها: لازم الدراما والفن يناقش قضية المثلية الجنسية وزنا المحارم لتوعية الجمهور، وقدمنا قبل كدا فيلم عمارة يعقوبيان وكسر الدنيا وخالد الصاوي وباسم سمرة كانوا رائعين رغم أن فنانين آخرين رفضوا يعملوا أدوارهم.

وعلقت غادة إبراهيم على تصنيفها كـ ممثلة إغراء، قائلة: أنا قدمت دور إغراء في بدايتي مرة واحدة فقط إنما فين الإغراء دا حاليا؟ أنا مبقتش ألبس أي فساتين مثيرة عشان محدش يقول عليا ممثلة إغراء وبطلت دا تمامًا.

غاد إبراهيم: نفسي أقابل ربنا وأنا خالية من الذنوب
وسبق وتطرقت غادة إبراهيم للحديث عن الموت، وقالت في تصريح سابق لـ القاهرة 24: أنا بخاف أموت وأنا مش بصلي أو مش لابسة حجاب إنما مش بخاف من فكرة الموت نفسها، وأتمنى لما أروح لربنا أكون مستعدة وأكون خالية من الذنوب.

وأضافت غادة إبراهيم: أنا معنديش كبائر أخجل منها، ولكن عندي ذنوب ومع ذلك بعمل خير الناس هتدعيلي بسببه لما أموت، وأنا مريت بـ ابتلاءات كتير في حياتي من أذى وتنمر وخيانة وأكيد دا بيخفف من ذنوبنا في الحياة.