لأول مرة أشرف زكي يكشف أسباب انفصاله عن روجينا

كشف نقيب المهن التمثيلية أسرار جديدة عن حياته لأول مرة حيث قال : “تعرفت على الفنانة روجينا زوجتي عندما كانت طالبة في الفرقة الأولى في معهد الفنون المسرحية وعندها أنا كنت معيدا”.

وتابع نقيب المهن التمثيلية في تصريحاته من خلال لقائه في برنامج “في اَي بي” الذي يذاع على قناة هي و تقدمه الاعلامية أميرة بدر قائلا أنا شوفت روجينا ولقيت أنها بنت مؤدبة و بنت محترمة وموهوبة و كمان قمر فقولت لها أنا هطلع علشان أعمل عمرة وهعمل استخارة و بعد كدة اللى ربنا يكتبه هو اللي هيكون وبعدها رجعت تاني ودورت عليها وبعدها روحت لهم البيت وقرينا الفاتحة و كان في وقتها هي كانت لسه في سنة أولى في المعهد ، و بعدها اتجوزنا وهي كانت في الفرقة الثانية”.

وتابع نقيب المهن التمثيلية في تصريحاته على الهواء قائلا :”أنا لما انفصلت عن روجينا مكنتش وقتها مصدق وكنت متضايق جدا ومتألم وخصوصا ان كان معانا وقتها بنتنا مايا ، وكنت حاسس أن روجينا في الوقت ده محتاجة هدنة خصوصا أنها كانت قد شاهدت شهرة ونجومية واصبحت فنانة من وهي صغيرة ، وأنا في الوقت ده كان عندي مشاكل كتير في شغلي وفي النقابة ، علشان كده كان ضرورري و مهم اوي أننا نعمل هدنة وهي في الوقت ده اللي طلبت الهدنة و أحنا مكملناش شهور و بعدها رجعنا لبعض تاني”