حالة من التعاطف على السوشيال ميديا بعد نشر طالب عن احتياجه لـ جاكت

نشر شاب في أحد الجروبات عبر تطبيق فيس بوك، يطلب من خلاله مساعدة الآخرين في الحصول على ملابس الشتاء، نظرًا للظروف المادية التي يمر بها، وخاصة بعد ارتفاع أسعار السلع والمنتجات بالأسواق.

منشور الشاب عبر فيس بوك

كتب الشاب: شباب ممكن طلب من غير إحراج، أنا نازل فاينل الأسبوع الجاي والجو بيبقى برد جامد، فـ لو فيه شخص معاه جاكت زيادة وياخده مني بعد ما أخلص، الظروف يعلم بها ربنا والدنيا مولعة، أنا دورت على أي حد بيبيع بالقسط وملقتش.

منشور الشاب

ردود أفعال مستخدمي مواقع التواصل الاجتماعي

نال المنشور على عدد كبير من التعليقات، والتي تضمنت دعمًا كبيرًا للشاب، حيث عرض عليه الجميع المساعدة، فهناك من طلب عنوان الشاب ليهديه جاكت، وآخر تواصل معه لمساعدته.

وعلق عمر عبد الرحمن، انت منين يا أخويا وأنا أجيلك لحد عندك، ونجيب بدل الجاكت اتنين.. واحد ليك وواحد ليا، كنت ناوي أشتري، قولي مكانك فين بالظبط وأنا أعدي عليك وننزل مع بعض.. إحنا إخوات ياعم.

تعليقات مستخدمي فيسبوك

وكتب محمد علي، شوف حضرتك منين وأنا تحت أمرك، وده مش جميل ولا حاجة زي كده، دا واجب إحنا إخوات ولازم نشيل بعض، يقول الرسول صلى الله عليه وسلم: المسلم للمسلم مثل البنيان يشد بعضه بعضًا، بتمنى نتواصل مع بعض وحقيقي فرحان بكمية الناس اللي اهتمت، سيبقى الخير في هذه الأمة إلى يوم القيامة.