طارق الشيخ يطرح ” الجراح بتذل ” ويطالب الثأر من الغدارين

طرح الفنان طارق الشيخ أغنيته الجديدة بعنوان "الجراح بتذل" على موقع "يوتيوب" وجميع التطبيقات الموسيقية ومحطات الراديو، وتعد هذه الأغنية ضمن أغنيات ألبومه الجديد الذى يحمل اسم "ودونى البحر"، والذى يقوم بطرح أغنياته على فترات، والأغنية من كلمات صلاح مندى، وألحان حسين محمود، وتوزيع موسيقي أحمد أمين.

أغنية "الجراح بتذل" يتطرق طارق الشيخ خلالها إلى عدم الخضوع إلى جرح القلوب والمشاعر بين الأحبة، وعدم استسلام الجريح لحالات الضعف والحزن والذل، ونادى بتحطيم قيود المشاعر السلبية، واستبدالها بالخروج إلى المشاعر الإيجابية، والرد بقوة والثأر من الغدارين، والخائنين الذين تسببوا فى جرح وطعن قلب كل حبيب.

وتقول كلمات الأغنية:

زمان قالوا الجراح بتذل .. وانا صورتي في عيون الكل

ضعيف خايب وباع نفسه لقلب جبان عشان يتذل

و يا عيني الخلق معذوره .. ما انا اللي إديتلهم صوره

لشخص مشاعره مكسوره .. عشان تكبر عليا وأقل

لكن ملعون أبو جراحي .. محدش أغلى من روحي

هتكسر قلبي هكسر فيك .. وحتى لو طلع روحي

هاخد تاري عشان أهدى .. وواحده قصادها 100 واحده

عشان تعرف عذاب الناس .. لازم تشرب مرار من ده

ده وعدي وعمري يوم .. وعمري يوم ما هحل

خلاص فاق اللي كان محبوس .. في نن عينيك ولا الملبوس

وشاف قلبك على أصله .. وشاف حبك كأنه كابوس

وكنت بقول عليك نعمه .. صحيح الحب ده أعمى

بيخدعنا في وشوش ناعمه .. أبالسه ومعجونين في الغل