الفنان رامي جمال يرد على متابع انتقد تقديمه أغاني وذلك بعد إصابته بالبهاق: كلامك زي الرصاص

رد الفنان رامى جمال على هجوم أحد متابعي صفحته بموقع الفيديوهات الشهير يوتيوب، مؤكدًا أنه منزعج من انتقاده بطريقة غير لائقة.

وكتب المتابع لرامي جمال: يا أخي أنا مش فاهم يعني ربنا جابلك مرض وعانيت منه كتير أوي، وبعد ما ربنا شفاك راجع بردو تغني وأنت عارف إن الغناء حرام.. أنت مستني يحصلك ايه تاني؟.

ورد رامي جمال على اتهام المتابع له، عبر موقع تبادل الصور والفيديوهات انستجرام، وقال: بص يا سيدي أنا ربنا رضاني والحمد لله لسه الابتلاء زي ما هو بس لو عاوز الحقيقة أنت اللي محتاج علاج من كلامك اللي زي الرصاص، لو أنا غلط في حاجة تعتقد إن طريقتك دي صح؟.

وتابع رامي جمال: أنا للأسف كنت بشوف آراء الناس الإيجابية، والنقد البناء واللي طمعانين في حاجة أفضل لأن دايما في أفضل طبعا فشوفت كلامك على الصبح ومش هقولك غير ربنا يسامحك على القسوة وأنا واثق إنه مش حب، واللي هيحاسبنا ربنا يا عالم مين أحسن من مين، وكلنا بشر مش أنبياء ممكن نخطئ ونصيب والهداية من رب العالمين.. يومك أجمل من قلبك إن شاء الله.

أعمال رامي جمال

وتعد أغنية أدبيتنا الدنيا، آخر أعمال رامي جمال الذي طرحها ضمن ألبومه الجديد يستاهل بوستين، والذي حقق نجاحًا كبيرًا فور طرح الأغاني الأولى منه.