هنا الزاهد لتامر حسني: كنت بتسهر ومبتنمش.. وهكذا رد عليها

عبرت النجمة هنا الزاهد عن سعادتها بردود فعل الجمهور على دورها في فيلم "بحبك" المعروض حاليا في دور السينما، موجهة رسالة خاصة لبطل ومؤلف ومخرج الفيلم النجم تامر حسني.

نشرت هنا صورة من الفيلم مع عدد من الفيديوهات لفتيات يعبرن عن إعجابهن بالفيلم ودورها تحديدا، وكتبت: "طيب لحظة عشان بجد انا سعيدة بردود الافعال عن دور حبيبة في فيلم بحبك من يوم واحد بس في السينما و كمية الناس اللي بعتنلي مش من مصر بس من الوطن العربي. بشكر عليها ربنا اولا الحمد لله يارب ، تاني حاجة اشكر عليها تامر لان ب اخرجك وصلت المشاعر اللي كنت نفسي اوصلها شكرا شكرا شكرا و انك كنت بجد بتسهر و مبتنمش عشان توصل بكل ممثل في الفيلم لاحسن م فيه. تجربة استمتعت بيها جدا و بكل تفاصيلها".

ورد عليها تامر معلقا: "يا هنا مليون مبروك نجاحك أنا شوفتك بعين جديدة العين اللى وعدتك بيها ودلوقتي ربنا بيجازينا كل خير مش بس عشان تقدم إيرادنا في مصر والوطن العربى، لا عشان رضى الجمهور ودا أهم شيء، إحساسنا كلنا وصل للناس عشان صدقنا بعض وانتي الحقيقة ممثلة خطيرة وارجعي للبوست اللي كتبته عنك قبل الفيلم كنت قايل إنك هتبقى أخطر ممثلات مصر في الجيل الحالي، وإن شاء الله تكملى كدة".