عاجل| الطاقم الطبي يصلي على أول طبيب يرحل بفيروس كورونا

حرص الطاقم الطبي بالحجر الصحي بمستشفى أبو خليفة بالإسماعيلية على أداء صلاة الجنازة، قبل قليل على الدكتور أحمد اللواح أستاذ ورئيس قسم التحاليل الطبية بجامعة الأزهر، أحد أكبر أطباء التحاليل في محافظة بورسعيد، والذي توفى بالحجر الصحي ليكون أول طبيب يرحل عن عالمنا بالحجر الصحي في مسشتفى أبوخليفة بمحافظة الإسماعيلية، بسبب إصابته بـفيروس كورونا المستجد.

و خيم الحزن على جميع العاملين بالمستشفى بعد وفاته الدكتور أحمداللواح، ومن المقرر نقله لبورسعيد في إسعاف معقم ذاتيا لدفنه في مسقط رأسه.

وكان اللواح قد وجه رسالة إلى المصريين قبل وفاته بأسبوع عبر حسابه على موقع التواصل الاجتماعي «فيس بوك» قائلاً: "ليه خليك في البيت ؟؟؟ وايه اللي هيحصل لما نقعد فى البيت أسبوعين ؟ الناس تتساءل : يعنى بعد الأسبوعين دول هيحصل إيه ؟ ما احنا هنرجع تانى لحياتنا و الفيروس هينتشر تانى ؟".

وتابع "خد بالك معايا : الناس دلوقتي أربع أنواع، ١-ناس لم يصلها الفيروس : و دا هيستفيد إنه مش هيجيله العدوى ٢-ناس حاملة الفيروس من غير اى أعراض ، فدول قعدتهم فى البيت مش هيعدوا حد، و مع الوقت الأجسام المناعية هتقضى على الفيروس اللى فى جسمهأ ".

وأضاف "ناس حاملة للفيروس و عندها أعراض خفيفة ، ودول قعدتهم فى البيت هتخليهم مش هيعدوا حد ومناعة الجسم مع الوقت هتقتل الفيروس فى جسمهم برضو، وبعد الأسبوعين هيكون اتخلص من الفيروس و اكتسب مناعة طبيعية كمان، ناس حاملة للفيروس و عندها اعراض شديدة ودول محتاجين يروحوا المستشفى و يتعالجوا فيها ".

وأكمل "الفيروسات اللى انتشرت على الأسطح و الأرض و حتى لو فى الهواء هتموت بعد أسبوعين لو مالقتش جسم انسان تتكاثر فيه، المهم المهم المهم خلال الأسبوعين دول -لو التزمنا -ممكن الفيروس يموت فى الخارج لو مالقاش جسد يدخله و يموت فى داخل أجسامنا كمان".

واختتم "الفيروس محتاج جسد بنى ادم علشان يتكاثر و لو مالقاش بيموت و هى دى الفكرة من القعاد فى البيت".