عمر كمال يحكي عن حياتة قبل دخوله الوسط الفني ”مافيش حاجة بتيجي بالساهل”

تحدث المغني الشعبي عمر كمال عن وظائف امتهنها قبل الدخول إلى الوسط الفني، محاولًا إثبات أن النجاح يرتكز على السعي وراء الأحلام حتى إن واجهتك الصعوبات أول مشوار حياتك، لافتًا إلى أنه لا يزال يسعى للتعلم وتطوير طرق التفكير وخطواته.

وقال «كمال» عبر «انستجرام»: «مفيش حاجة بتيجى بالساهل، هتقعد تقول أحط الشهادة فين وبص مين معاه وبص مين جاب إيه هتقف مكانك ومش هتتحرك، الدنيا والأيام بتجرى ولو مالكش قلب تسعى وتجازف وتجرب الدنيا هتفرمك وهتبقى زى الكتير اللى تايهين فيها، اتعلمت واخدت شهادة؟ أنا كمان اتعلمت واخدت شهادة، طلعت مش لاقى شغل».

وتابع: «أنا كمان طلعت مش لاقى شغل، أهلك صرفوا دم قلبهم عليك، أنا زيك، بس أنا ماقعدتش اشتكى حالي، نزلت اشتغل بأيدى وقولت حب ما تعمل حتى تعمل ما تحب،️ اشتغلت كل حاجة، جريت في كل السكك اللى ممكن توصلني للنجاح، بتعامل وبوصل لكل الناس اللي ممكن اشتغل معاهم ويضيفوا ليا». واستكمل: «بشغل دماغى وبتعلم وبحاول أفهم الدنيا والسوق رايحين فين وأعمل اللى يعجب الناس، قول الحمد لله ولو لقيت غيرك في نعمة قول ربنا يزيده».